هادی قلیزاده بیر نئچه ساعت دیندیریلدیکدن سونرا سربست بوراخیلیب
۱۶ آذر ۱۴۰۲-ده علی جنگجو خالط آبادین دفن مراسیمینده تبریزده ساخلانیلان علی قلیزاده اطلاعات‌دا بیر نئچه ساعتلیق سورغو-سؤالدان سونرا سربست بوراخیلیب.
جناب قلیزاده‌نین یاخینلاری‌نین بیلدیردیگینه گؤره، بو تورک مدنی فعال مرحوم خالط آبادین دفن مراسیمینده حبس ائدیلدیکدن سونرا تبریزین صائب کوچه‌سینده یئرلشن تبریز شهری‌نین اطلاعات و گوونلیک پولیسینه تحویل وئریلیب و بیر نئچه ساعت سورغو-سؤال و اونون جیب تلفونونون موصادیره‌‌سی ایله سونوجلانان بیر سورج سونراسی سربست بوراخیلیب.
بو آذربایجانلی فعال بوندان اؤنجه اورمیه گؤلونون کریتیک دورومونا توپلومون دقتینی جلب ائتمک مقصدیله بئل چانتاسینا “اؤزوموز اوچون/گؤلوموز اوچون” یازیسی اولان پانکارتی آساراق تبریزدن اورمیه گؤلونه یوروشه چیخیب و بو حرکتدن سونرا اطلاعات ایداره‌سی طرفیندن تهدید ائدیلدی.
آذربایجانلی فعاللار فرقلی بهانه‌لر ایله گوونلیک گوجلری طرفیندن ساخلانیلیب، فیزیکی و روحی ایشگنجه‌لره معروض قالیب و حتی عائله عضولری ده اطلاعات مامورلاری و محکمه اورقانلاری طرفیندن دفعه‌لر ایله تهدید ائدیلیبلر.
