نهضت تعلیمچیلرینین مجلیس قارشیسیندا اعتراض میتینقی
نهضت تعلیمچیلری چالیشما وضعيتینی موذاکیره ائتمکدن ایمتینا ائتدیکلری اوچون مجلیس قارشیسیندا اعتراض میتینقی کئچیردیلر.
فرهنگیان بیلیم‌یوردونا گیریش ایمتاهانیندا ایشتیراک ائدن بو اعتراضچیلار اعتراض ندنلری باره‌ده دئییللر کی: «هامیمیز فرهنگیان بیلیم‌یوردونا گیریش ایمتاهانی وئردیک، لاکین یئتئرلی پوئنی آلامادیق. ایستیخدام وضعيتیمیزی سؤزلشمه‌لی چالیشما وضعيتینه چئویرمه شرطی بو ایمتاهاندان کئچیر.»
اونلارین سؤزلرینه گؤره، 6 مین نهضت تعلیمچیسی بو ایمتاهاندا یئترلی پوئنی آلا بیلمه‌دی و گله‌جک ایللرده یاشلارینا گؤره ایشه قبول اولما شانسلارینی ایتیره‌جکلر.
اؤزلرینی مکتبه‌قدر حق‌التدریس موعلیملری ایله موقایسه ائدن اعتراضچیلار دئییللر کی «اونلار فرهنگیان بیلیم‌یوردونا ایمتاهانسیز داخیل اولدولار. آنجاق تعلیمچیلر اوچون بئله شرایط یوخدور و بو آیری‌سئچکیلیکدیر. «ایکی ایللیک ایشدن سونرا تحصیل ناظرلیگی طرفیندن ایشه قبول اولونمالی ایدیک، آما ایندی ایمتاهان مانع‌سی‌نین آرخاسینداییق.»
نهضت تعلیمچیلری علاوه ائتدی: «ایمتاهاندا ایشتیراک ائدن بیر سیرا شخصین کرونا خسته‌لیگی، فیزیکی ضعیفلیگی و ایمتاهانین کئچیریلمه‌سی پلانلاشدیریلمادیغی اوچون چوخ سایدا تعلیمچی، فرهنگیان بیلیم‌یوردونا گیرمک اوچون لازیمی پوئنی توپلاماغا حاضر دئییلدیلر. تست سؤزلشمه‌لی ایستیخدام اوچون یاخشی بیر معیار اولا بیلمز.»
