نسرین ستوده‌نین قیزی گیروو موقابیلینده سربست بوراخیلدی
اوین عدليه‌‌سینه چاغریلان نسرین ستوده‌نین قیزی مهرواره خندان گیروو موقابیلینده سربست بوراخیلدی.
نسرین ستوده‌نین حیات یولداشی رضا خندان، ۲۷ مرداد بازار ائرته‌سی گونو، ۵ تهلوکه‌‌‌سیزلیک آژانی مهرواره خندانی «ایضاحات وئرمه‌دن» توتوقلاییب و «اوین عدليه‌‌سی‌نین ۱ شؤبه‌سینه»، کؤچوردویونو سؤیله‌دی.
سرحدسیز موخبیرلر بو حرکتی نسرین ستوده‌یه «داها چوخ تضییق»، آدلاندیران بیر بیانات یایدی.
خانیم ستوده ۲۱ مرداددان بری سیاسی محبوسلارین سربست بوراخیلماسینی طلب ائده‌رک آجلیق آکسییاسی کئچیریر.
بو وکیل محبوس ایرانداکی سیاسی محبوسلارین «حاقسیز» و «قانونسوز» وضعيتینه اعتراض اولاراق آجلیق آکسییاسینا گئتمک قرارینا گلیب.
نسرین ستوده، ۳۳ ایل حبس جزاسینا محکوم ائدیلیب کی، بو جزانین ایسلام جزا قانونونا گؤره ۱۲ ایلی ایجرا ائدیله‌جکدیر.
