نرگس محمدی مجبوری حجابی اولمادان خسته‌خانایا آپاریلیب
سیاسی فعال و نوبل باریش اؤدولونو آلان نرگس محمدی‌نین حیات یولداشی تقی رحمانی اعلان ائتدی کی، حبس‌خانا یئتکیلیلری خانیم محمدی‌نین خسته‌خانایا گؤندرمه‌سینه گونلرجه مانع اولدوقدان سونرا، او، بو گون، ۱۷ آبان ۱۴۰۲-جی ایلده طبی موعاینه اوچون خسته‌خانایا کؤچورولوب.
دونن نرگس محمدی، قادین محبوسلار اوچون یا اؤلوم و یا حجاب سیاستینه و حبس‌خانا رهبرلیگی‌نین اونون خسته‌خانایا کؤچورمه‌مه‌سینه اعتراض اولاراق آجلیق آکسییاسی کئچیره‌جه‌یینی آچیقلامیشدی.
بو خبرین آچیقلانماسیندان سونرا نرگس محمدی‌نین بعضی بند دوستلاری دا اونا دستک اولاراق آجلیق آکسییاسینا باشلادیقلارینی آچیقلاییبلار.
عینی زاماندا، خانیم نرگس محمدینی دستک‌له‌مک اوچون اینسان حاقلاری قوروملاری و تشکیلاتلاری‌نین گئنیش تپکیسی ده باشلاییب.
نوبل باریش کومیته‌سی، اولاف پالمه فوندو و آمریکا قلم بیرلیگی آیری-آیری آچیقلامالار یایاراق نرگس محمدی‌نین خسته‌خانایا گؤندریلمه‌سینی و اونون قئید-شرطسیز آزاد ائدیلمه‌سینی طلب ائدیبلر.
نرگس محمدی ۲۰۲۳-جو ایلده اولاف پالمه اینسان حوقوقلاری اؤدولو و نوبل باریش اؤدولونو قازانیب.
