نرگس محمدی: ایسلام جمهورییتی‌نین سون اوغورسوزلوقلاری ایله دموکراسی‌یه گئدن یولوموز داها دا آچیق اولاجاق
۲۰۲۳-جو ایل نوبل باریش اؤدولو صاحبی نرگس محمدی دئییب: “بؤلگه‌ده و میلیس قوه‌لرینده ائتدیگی فعالیتلره و یاتیریملارا باخمایاراق، ایسلام جمهورییتی سون آیلاردا دوزلمز اوغورسوزلوقلارلا اوزلشیب”.
نروژ مجلیسی‌نین باشقانی مسعود قره‌خانی ایله سانال گؤروشده و صؤحبتده او، آرتیریب: سلام جمهورییتی‌نین اؤلکه داخیلینده مشروعیت سیزلیگی و حؤکومتین یالنیز باسقییا اساسلانان ساختا اقتدار نومایش ائتدیردیگینی نظره آلساق، دموکراسی‌یه گئدن یولوموز داها آچیق اولاجاق”.
مووقتی خسته‌لیک مرخصی‌سینده اولان نرگس محمدی داها اؤنجه ده نوبل باریش کومیته‌سی‌نین عضولری ایله سانال گؤروش کئچیریب.
محمدی آرتیردی: “من دئمیرم کی، ایشیمیز آسان اولاجاق. من دموکراسی، آزادلیق و برابرلیک یولوندا قلبه‌نین امینلیگیندن دانیشیرام و چوخ اومید ائدیرم”.
نرگس محمدی آرتیردی: “سون ایللرده اینسانلارین، اؤزللیکله ده قادین، حیات، آزادلیق حرکاتی ایله باغلی بیلگی سويه‌‌سی تاریخی بیر سويه‌‌یه چاتیب کی، بو دا دموکراسی آنلاییشی اوچون چوخ اؤنملی و ائتکیلی اولاجاق”.
نرگس محمدی دئدی: “من ایسلام جمهورییتیندن دینی ایستیبداد سیستمی اولدوغو اوچون کئچید آختاریرام، لاکین دموکراسی، آزادلیق و برابرلیک و خالقین اراده‌سینی حیاتا کئچیرمه‌یه یؤنه‌لیب”.
۲۰۲۳-جو ایل نوبل باریش اؤدولونون صاحبی آرتیردی: “سون ۴۶ ایلده ایسلام جمهورییتی دموکراسی و آزادلیغی رئاللاشدیرماق گوجونه مالیک اولمادیغینی گؤستردی”.
Iranwire
