میثم شیرینی بیر ایللیک جزاسینی چکمک اوچون اورمیه مرکزی حبس‌خاناسینا کؤچورولوب
آذربایجان ایدمانچی و اؤتن ایلکی عومومی اعتراضلار زامانی حبس ائدیلن میثم شیرینی جزا ایجرا شؤبه‌سینه گئتدیکدن سونرا ساخلانیلیب و بیر ایللیک جزاسینی چکمک اوچون اورمیه مرکزی حبس‌خاناسینا کؤچورولوب.
محکمه‌‌نین ایلکین مرحله‌‌‌سینده جناب شیرینی‌یه قارشی ایره‌لی سورولن اتهام “اؤلکه‌نین میلی گوونلیگینه قارشی حرکت ائتمک، شوعارلار سسلندیرمک و اعتراض آکسییالاریندا ایشتیراک ائتمک”دیر.
آذربایجان آی تی اف تکواندو ایدمانچیسی میثم شیرینی ۲۵ آبان ۱۴۰۱-جی ایل چارشنبه گونو اورمیه ده گوونلیک گوجلری طرفیندن حبس ائدیلمیش و بیر سونرا سورغو-سؤال سورجی باشا چاتدیقدان سونرا اینقیلاب کئشیکچیلری اطلاعاتی‌نین تجرید‌خاناسیندان اورمیه مرکزی حبس‌خانایا کؤچورولموشدور. او داها سونرا ایسه ۵۰۰ میلیون تومن گیروو قارشیلیغیندا سربست بوراخیلمیشدی.
