مهدی کروبی سئچکیلرده پزشکینا دستک وئریب
یاشیل حرکاتی‌نین لیدرلریندن اولان مهدی کروبی‌نین اوغلو حسین کروبی انصاف نیوز سایتینا وئردیگی موصاحیبه‌ده آتاسی‌نین قارشیدان گلن گؤزله‌نیلمز سئچکیلرده مسعود پزشکیانی دستکله‌دیگینی آچیقلاییب.
او، آتاسینا استنادا دئییب: “رژیمین جمهوريتی‌نین دیرچلدیلمه‌سی اوچ سورجدن آسیلیدیر کی، تحریملری دایاندیرماق، ملتین حاقینی ساوونماق و فسادلا موباریزه آپارماقدیر کی، پزشکیان اونلارا دقت یئتیرسه، رژیمین جمهوريتی‌نین قورتاریجیسی اولا بیلر”.
محمد تقی کروبی ده ایکس کانالیندا یازیب کی، آتاسی مهدی کروبی ائو جبسیندن گؤندردیگی مئساژدا پزشکیانا دسته‌یینی آچیقلاییب و سئچیلدیگی تقدیرده ملّتین حوقوقلارینی قوروماق، تحریملری آرادان قالدیرماق و قدرت و ثروت مافیاسی فسادی ایله موباریزه آپارماق اوچون الیندن گلنی ائتمه‌سینی ایسته‌ییب.
مهدی کروبی ۱۳۸۸-جی ایل جمهورباشقانلیغی سئچکیلرینه آدایدیر و سئچکی‌نین سونوجلارینا قارشی گئنیش اعتراضلاردان سونرا علی خامنه‌ای‌نین امری ایله میرحسین موسوی ایله بیرلیکده ائو حبسینه بوراخیلیب.
Iranwire
