ملت وکیلی: اؤلکه‌نین قایناقلاری حؤکومتین خرجلری اوچون یئترلی اولمایاجاق
ملت وکیلی جبار کوچکی‌نژاد “اؤلکه قایناقلاری‌نین” ابراهیم رئیسی حؤکومتی‌نین خرجلرینه یئترلی اولمادیغینی، اؤلکه‌نین قایناقلارینا آلتئرناتیو تاپیلمالی اولدوغونو گؤسترن اؤ گؤرولردن دانیشیب.
مجلسین بودجه کمیسیونونون عضوو جبار کوچکی‌نژاد “ایلنا” خبر آژانسی ایله موصاحیبه‌سینده بئله دئییب: “اؤلکه‌نین قایناقلاری‌نین حؤکومتین خرجلرینه یئترلی اولمادیغی و بو قایناقلارین حؤکومتین خرجلرینی اؤده‌مه‌یه‌جه‌یینه گؤره حؤکومت باشقا حل یوللاری تاپمالیدیر”.
او، بو حل یولونو “خاریجی و داخیلی یاتیریم” آدلاندیریب و ایران اقتصادياتی‌نین آنجاق بو یوللا خلاص اولا بیله‌جه‌یینی ادعا ائدیب.
بو ملت وکیلی اؤز سئچیم یئرلی ایله باغلی بیر میثال آچیقلادی و دئدی: “مثلا، منیم شهریمده گؤرورسن کی، ۱۰ بؤیوک شرکت ایللرله باغلیدیر و اونلار اوچون هئچ بیر ایش گؤرمورلر. اورایا مینلرله میلیارد تومان سرمایه یاتیریلیب، قویون اورادکی سرمایه اؤزل سئکتوره یؤنلسین”.
مجلسین بودجه کمیسیونونون بو عضوو دئدی: “او زامان دئدیلر کی، حؤکومت و مجلیس بیرلشدیگی اوچون اقتصادی جراحی عملیات کئچیره و ایرانین خسته اقتصادیاتینی ساغالدا بیلرلر؛ بس نییه بو باش وئرمه‌دی؟ چونکی جراحلار جراح دئییلدیلر!
باخمایاراق کی، ایسلام جمهورییتی حؤکومتی بؤلگه‌سل گرگینلیکلره اساسلاناراق، هم ده میلی پولون ان آشاغی ديرینه مالیک اولان خاریجی و یئرلی یاتیریمجیلار اوچون ال‌وئریشلی شرایط یاراتماییب.
