مشهدده ۵ بهایی وطنداشین ۵ ایل حبس جزاسی تصدیق ائدیلدی

رضوی خوراسان ایالتی‌نین تئمییز محکمه‌‌سی‌نین ۳۵ سایلی شؤبه‌سی مشهدده یاشایان بئش بهایی وطنداش اوچون چیخاریلان بئش ایل حبس جزاسینی تصدیقله‌دی.

بیلگیلی بیر منبع‌ ایران‌وایره بیلدیریب کی، بو وطنداشلار، “بهایی تبلیغاتی ایله رئژیمه قارشی تبلیغات‌”دان اتهام ائدیلیرلر.

بو قرارلار بو وطنداشلارا ۲۷ آذر ۱۳۹۹ جوما آخشامی گونو بیلدیریلدی.

بیلگیلی منبع‌ آیریجا تئمییز محکمه‌‌سی‌نین بو وطنداشلارین و یا وکیللری‌نین خبری و قاتیلیمی اولمادان کئچیریلدیگینی سؤیله‌دی.

” «نکیسا حاجی‌پور»، «ساناز اسحاقی»، «نیکا پاکزادان»، «نغمه ذبیحیان» و «فرانه دانشگری» ۱۳۹۴-جو ایلین آبان آییندا مشهدده حبس اولوندولار.

حاکم باغدهی‌نین باشقانلیق ائتدیگی مشهد اینقیلاب محکمه‌‌سی‌نین اوچونجو شؤبه‌سی بو وطنداشلارین هر بیرینی بیر ایل حبس جزاسینا محکوم ائتدی.

بهایی وطنداشلارینا قارشی تضییقلر سون آیلاردا آرتمیشدیر.

کئچن آی قائمشهر تئمییز محکمه‌‌سی بیر بهایی وطنداش اوچون بیر ایللیک حبس جزاسینی تصدیقله‌دی.

کئچن هفته بهایی وطنداشلاردان وحدا سیلانی ده بیر ایل حبس جزاسینا محکوم ائدیلدی و کیرمان حبس‌خاناسینا کؤچورولدو.