مشهدده قادینلارین وئلوسیپئد (چرخ) سورمه‌سی قاداغا ائدیلدی
رضوی خوراسان ایالتی‌نین وئلوسیپئد ایداره هئیتی‌نین رئیسی امر به معروف و نهی عن منکر قرارگاهینی مشهدده قادینلارین وئلوسیپئد سورمه‌سینی قاداغان ائدن عامل اولاراق آدلاندیردی.
مهدی روزبهانه، بو قرارگاهین «مووافیق ایجازه‌لر آلاراق قادینلارین وئلوسیپئد سورمه‌سینی قاداغان ائتدیگینی» سؤیله‌دی.
روزبهانه، عینی زاماندا وئلوسیپئد سوررکن دقت جلب ائدن قادینلاری «حجابسیز و آچیق گئییملردن ایستیفاده ائتمیی» قاداغانین باشقا بیر عاملی اولاراق قئید ائتدی.
او علاوه ائتدی کی، «ایداره هئیتی حجابلارینی ساخلایان قادینلارین وئلوسیپئد سورمه‌لرینه داوام ائتمه‌لری اوچون بو مسئله‌نی ایزله‌ییر.»
مشهدده قادینلارین وئلوسیپئد سورمه‌سینی قاداغان ائتمک مسئله‌‌سی سون هفته‌لرده یئنیدن خبر باشلیقلاریا چیخمیش.
