مشهدده حجابا قارشی چیخان وطنداش مرضیه مومنی حبس ائدیلیب
اینسان حاقلاری قایناقلارین بیلدیردیگینه گؤره، مجبوری حجابا قارشی چیخان وطنداش مرضیه مومنی جوما آخشامی گونو ۸-جی شیعه ایمامی‌نین مقبره‌سی‌نین گیریشینده مجبوری حجابی رعایت ائتمه‌دیگی اوچون حبس ائدیله‌رک حبس‌خانایا آپاریلیب.
هنگاو حوقوق-ساوونما تشکیلاتی‌نین راپورونا گؤره، ۳ خرداد جوما آخشامی گونو گوونلیک گوجلری مرضیه مومنی‌نی باب الجواد “ایمام رضا مقبره‌سی”نین گیریشینده حجابا رعایت ائتمه‌دیگی اوچون حبس ائده‌رک، مشهدین وکیل آباد حبس‌خاناسینا کؤچوروبلر.
اونون حبسی جمهورباشقانی‌نین دفن مراسیمی و مشهدده ایمام رضا مقبره‌سینده دفن ائدیلمه‌سی ایله عینی واختدا باش توتوب.
دوغوش حکیمی اولان خانیم مومنی اورک خسته‌لیگیندن و آسم خسته‌لیگیندن اذيت چکیر و درمانلارینی آلماق ایمکانیندان محروم ائدیلیب.
اردیبهشت آییندا تهرانین بهشتی عدليه‌‌‌سینده مرضیه مومنی‌نین حجابسیز گؤرونمه‌سی‌نین ویدئوسو یاییملانیب. مجبوری حجابا رعایت ائدیلمه‌مه‌سی و عومومی اعتراض آکسییالاریندا ایشتیراک ائتدیگینه گؤره خانیم مومنی‌نین اوفیسی مؤهورله‌نیب و بانک حسابلاری باغلانیب.
