ایران جمهورباشقانلیغی‌نین اینترنت سایتی قطرده مسعود پزشکیانین شکیللرینی یایاراق ایران جمهورباشقانی‌نین حماسین یوکسک روتبه‌لی عضولری ایله گؤروشدویونو بیلدیریب.

 رویترز خبر آژانسی دون، جوما آخشامی، ۱۲ مهر گونو یازیب کی، ایران جمهورباشقانی مسعود پزشکیان قطرین پایتاختی دوحه‌ده حماس لیدئری خالد مشعل ایله گؤروشوب.

ایسلام جمهورییتی‌نین دستک وئردیگی حماس تررور قروپلاشماسی‌نین لیدئری خالد مشعل بو گؤروشده پزشکیانا دئییب: “ایسلام جمهورییتی سلاحلی قوه‌لری‌نین قوروروئریجی عملیاتلاری بؤیوک نایلیتلر الده ائدیب کی، بلکه ده ان اؤنملیسی مقاومت جبهه‌سی‌نین جانلانماسی و دیرچلدیلمه‌سی اولوب”.

یئرلی مئدیا خبر وئریر کی،مسعود پزشکیان بو گؤروشده وورغولاییب کی، “اسرائیلین جینایتلری داوام ائدرسه، ایسلام جمهورییتی‌نین سلاحلی قوه‌لری‌نین قطعیتلی تپکیسینه سبب اولاجاق و البته‌‌‌ کی، اسرائیل ان کیچیک صحوه یول وئررسه، گئنیش‌میقیاسلی و “داها دقت چکن” و “داها مؤحکم” جاواب آلاجاق.

بو آرادا پزشکیان قطرده‌کی بوتون گؤروشلرینده ایسلام جمهورییتی‌نین بؤلگه‌ده باریش و امن-آمانلیق آختاردیغینی ادعا ائدیب.