مریم کریم بیگی‌اوین حبس خاناسی‌نین ۲۰۹-جو بندینده آجلیق آکسییاسی کئچیریر
خانیم کریم‌بیگی‌نین آناسی شهناز اکملی بو خبری آچیقلاییب و اینستاگرام صفحه‌‌‌سینده یازیب: بیر نئچه دقیقه اؤنجه مریم زنگ ائده‌رک اوین حبس‌خاناسینداکی ۲۰۹ سایلی تجریدخانادا اولدوغونو بیلدیریب و بیر داها کی خبره قدر سودان باشقا هئچ نیه توخونمایاجاغینی وورغولاییب.
مریم کریم‌بیگی دونن سحر، چارشنبه آخشامی، ۲۴ خرداددا گوونلیک گوجلری‌نین ائولرینه باسقین ائده‌رک اونون اشیالاریندا آختاریش آپاردیقدان و شخصی اشیالارینی موصادیره ائتدیکدن سونرا حبس ائدیلیب.
مدنی فعال ضیا نبوی توییتر حسابیندا یازیب کی، خانیم کریم‌بیگی اطلاعات ناظرلیگی طرفیندن ساخلانیلیب.
خانیم کریم‌بیگی فروردین آییندا بیلیم‌یوردوندان ایخراج اولوندوغونو بیلدیرن مکتوب آلیب. بو ایخراجین سببی ده اطلاعات ناظرلیگی‌نین آچدیغی پرونده اولوب.
بو ادعاچی باجی ائوینده آختاریش آپاریلدیقدان و اونون موبیل تلفونو، بیلگی‌سایاری، عائله‌‌‌سی‌نین و ۱۳۸۸-جی ایل اعتراضلاری‌نین باشقا قوربانلاری‌نین فوتو شکیللری گؤتورولدوکدن سونرا اطلاعات ناظرلیگی‌نین نظارت ایداره‌سینده ایکی دفعه دیندیریلمه‌یه مجبور اولوب.
بو دیندیرمه‌لرین بیرینده مامورلار شهناز اکملی‌یه ده بیلدیریبلر کی، او، اطلاعات ناظرلیگی‌نین نظارت ایداره‌سینه گئدیب دیندیریلمه‌لیدیر.
اسفند آییندا ایسلام جمهورییتی‌نین گوونلیک گوجلری‌نین هوجوموندان سونرا یاییملانان ویدئودا خانیم اکملی توتولماسینا و اوین حبس‌خاناسیندا تجریدخانادا ساخلانماسینا توخوناراق، اؤزونون و عائله‌‌‌سی‌نین ۱۲ ایلدیر حؤکومتین گوونلیک گوجلری طرفیندن تعقیب ائدیلدیگینی بیلدیریب.
#ایران_خبرلری #عومومی_اعتراضلار
