مراغه‌ده قاتار ۶۱ یاشلی بیر کیشییه ووروب
تهران-تبریز یولجو قاتاری‌نین مراغه‌ده ۶۱ یاشلی کیشی ایله توققوشماسی اونون حیاتینی ایتیرمه‌سینه نه‌دن اولوب. حادثه بو گون، ۲۴ اردیبهشت گونورتادان اؤنجه پهر آباد محله‌‌‌سی یاخینلیغیندا باش وئریب.
قضا شاهیدلری‌نین سؤزلرینه گؤره، یاشلی کیشی دمیر یولونو کئچمک ایسته‌یرکن اؤلدو.
آذربایجان دمیر یولونون باش مودیری دئدی: تهران-تبریز یولجو قاتاری سحر ساعت ۱۰:۲۰ جیواریندا پهرآباد محله‌‌‌سینده بو کیشی ایله ریلین اورتاسیندا توققوشدو.
محمد رضا قربانی علاوه ائتدی: “لوکوموتیو سورن طرفیندن خبردارلیق ائدیلمه‌سینه باخمایاراق، قوجا قاتارین دودویونه دقت یئتیرمه‌دی.”
او علاوه ائتدی: “قضادان سونرا قضالار کمیسیونونون عضولری قضانین سببینی آراشدیرماق اوچون مراغه‌یه گؤندریلدی.”
آذربایجان دمیر یوللاری باش مودیری‌نین سؤزلرینه گؤره، دمیر یولو اراضیسینده یاشایان وطنداشلار قاتارین واختیندان خبردار اولمالی و ریللر اوزرینده دقتله سیاحت ائتمه‌لیدیرلر.
مراغه‌نین عشرت آباد، میکاییل آباد، انزاب و پهرآباد محله‌‌‌لرینده‌کی بعضی بؤلگه‌لرین ساکینلری حرکت اوچون دمیر یولونو کئچمک مجبوریتینده قالیرلار.
دوغو و باتی آذربایجان ایالتلرینه گئدن دمیر یولونون تقریباً ۱۰ کیلومِتری قورویوجو دیوار کئچید تیکیلمه‌سینی طلب ائدن مراغه شهریندن کئچیر.
iranwire
