مختار ابراهیمی حبس جزاسینی چکمک اوچون ماراغا حبس‌خاناسینا گئدیب
تورک مدنی فعاللار مختار ابراهیمی و موسی ضیاءگرگری دوغو آذربایجان ایالتی‌نین تئمییز محکمه‌‌سی‌نین ایکینجی شؤبه‌سی طرفیندن اورتاق پرونده‌ده ایران ایسلام جمهورییتینه قارشی تبلیغات اتهامی ایله سیراسیلا بیر ایل حبس و ۶ میلیون تومن جزایا محکوم ائدیلمیشدیلر.
بوندان اؤنجه ماراغا محکمه‌‌سی‌نین بیرینجی شؤبه‌سی‌نین حاکمی اولان حاکم جباری مختار ابراهیمی‌یه “رژیمه قارشی دسته و قروپلاشمالار یاراتماق” و “رژیمه قارشی کانال و قروپلارا عضو اولماق” اتهاملارلا ۱۰ ایل حبس جزاسینا و موسی ضیاءگرگری‌نی ده رژیمه قارشی تبلیغات اتهامی ایله بیر ایل حبس جزاسینا محکوم ائتمیشدی کی، وکیل اصغر محمدی‌نین وکالتی ایله اعتراض ائتدیکدن سونرا ایلک حؤکمه آزالدیلمیشدیر.
سیاسی علملر فاکولته‌سی‌نین اؤیرنجیسی اولان جناب ابراهیمی، ۵ شهریورده مراغه‌ده‌کی ایش یئرینده گوونلیک گوجلری طرفیندن توتولدو و ۲۱ گون تجرید‌خانادا قالدیقدان سونرا ۲۶ شهریورده بو شهرین حبس‌خاناسینا کؤچورولدو و سونوجدا گیروو قارشیلیغیندا سربست بوراخیلدی. موسی ضیاءگرگری ده ۲۶ شهریور گونو سولدوز شهرینده توتولدو و بیر مدت سونرا محکمه‌یه قدر گیروو قارشیلیغیندا سربست بوراخیلدی.
بو آذربایجانلی فعاللار داها اؤنجه‌دا سیویل و دینج فعالیتلرینه گؤره دفعه‌‌لرله توتولوب و حبس اولونوبلار.
