محمد رجبی ماراغا حبس‌خاناسیندان سربست بوراخیلیب
ملیک کندی ساکینی محمد رجبی ۱۴ دی ۱۴۰۱-ده محکمه‌‌‌یه قدر گیروو قارشیلیغیندا ماراغا حبس‌خاناسیندان سربست بوراخیلیب.
بو یازی‌نین یازیلدیغی واختا قدر پرونده‌نین آیرینتیلاری و اونا قارشی ایره‌لی سورولن اتهاملار باره‌ده آیرینتیلی بیلگی یوخدور.
محمد رجبی بو ایل ۲۷ آذر بازار گونو بناب شهرینده گوونلیک گوجلری طرفیندن حبس ائدیلیب و ماراغا حبس‌خاناسینا آپاریلیب.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
سون اعتراضلاردا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
