محمد ایلاتی ایکینجی دفعه عجبشیر اینقیلاب محکمه‌‌سینه چاغیریلیب
تورک مدنی فعال محمد ایلاتی محکمه اورقانی‌نین الکترون سیستمی واسطه‌‌‌سیله آلدیغی بیلدیریشه اساساً ۱۵ مرداد ۱۴۰۲-ده ایسلام جمهورییتینه قارشی تبلیغات اتهامینی حاکم جباری‌نین باشچیلیق ائتدیگی محکمه‌ده اؤزونو ساوونمالیدیر.
بو تورک مدنی فعال بوندان اؤنجه اونا قارشی ایره‌لی سورولن اتهامی ساوونماق اوچون ۲۲ خرداد ۱۴۰۲-جی ایلده وکیلی عسکر محمدی ایله عجب شیر شهری‌نین اینقیلاب محکمه‌‌سینده چیخیش ائتمیشدی.
یاخینلاری‌نین بیلدیردیگینه گؤره، محمد ایلاتی ۱۴۰۲-جی ایل ۱۶ فروردین اطلاعات ایداره‌سینه چاغیریلیب و اونون سحرکی گونو ائوینین قارشیسیندا گوونلیک گوجلری طرفیندن حبس ائدیله‌رک اطلاعات ایداره‌سینه آپاریلیب و اونا سؤاللار وئریلیب.
شهرده تورکجه کیتابلارین و تقویملرین پایلانماسی حاقیندا، یالانلار یایماق، عجبشیر گنجلرینی تراختور اویونلارینا آپاراراق و تحریک ائتمک حاقدا اونا سؤاللار وئریلدیکدن سونرا سربست بوراخیلیب.
