محمدحسین سپهری سربست بوراخیلدیقدان درحال سونرا ایسلام جمهورییتیندن کئچمک ایسته‌ییب
خامنه‌ای‌نین ایستعفا مکتوبونو ایمضالایانلاردان بیری و موعلیم اولان محمدحسین سپهری ۸ خرداد آخشام ساعتلاریندا مشهدده‌کی وکیل آباد حبس‌خاناسیندان سربست بوراخیلیب.
جناب سپهری‌نین سربست بوراخیلماسی ایران ایسلام جمهورییتی حبس‌خانالاریندا ۴ ایل حبسده قالدیقدان سونرا باش توتوب.
بو سیاسی فعال آزادلیغا چیخاندان درحال سونرا مشهدین وکیل آباد حبس‌خاناسی‌نین قارشیسیندا دئییب کی، ایرانین پروبلئملری‌نین حلی‌نین شرطی ایسلام جمهورییتیندن تام و قئید-شرطسیز کئچمکدیر.
مشهد حبس‌خاناسی قارشیسیندا وئردیگی ایفاده‌لرین ویدئوسوندا جناب سپهری سربست بوراخیلماسی باره‌ده اونا بیلگی وئرن موستنطیقه ده عینی مؤوقئیی بیلدیردیگینی آچیقلاییب.
محمدحسین سپهری ۱۳ مدنی فعال ایله بیرلیکده ۱۳۹۸-جی ایلین خرداد آییندا آچیق بیلدیری یایاراق، علی خامنه‌ای‌نین رهبرلیکدن ایستعفاسینی و ایسلام جمهورییتی آنایاساسی‌نین اساسلی شکیلده ديیشدیریلمه‌سینی طلب ائدیب.
محمدحسین سپهری‌نین باجیسی فاطمه سپهری ده ایسلام جمهورییتی محکمه‌‌لری طرفیندن علی خامنه‌ای‌یه قارشی چیخماق سوچونا گؤره ۱۸ ایل حبس جزاسینا محکوم ائدیلیب.
