محمدجواد تربیت اوین حبس‌خاناسیندان سربست بوراخیلیب
ایران‌وایرین الده ائتدیگی بیلگیلره گؤره تورک دیلی اؤیرتمنی و سون آکسییالاردا ساخلانیلانلاردان محمّد جاوادتاربیت میرکوهی ائوین حبس‌خاناسیندان آزاد ائدیلیب.
بو یازی‌نین یازیلدیغی واختا کیمی، اونون سربست بوراخیلماسی‌نین آیرینتیلاری بللی دئییل، لاکین چوخ گومان کی، اونون آزادلیغا بوراخیلماسی یئنی عفولرین وئریلمه‌سی ایله باغلیدیر.
تورک دیلی اؤیرتمنی، سون اعتراض آکسییالاریندا ساخلانیلانلاردان بیری اولان محمدجواد تربیت میرکوهی تهران اینقیلاب محکمه‌‌سی‌نین حاکمی صلواتی‌نین باشچیلیق ائتدیگی ۱۵-جی شؤبه‌سی‌نین حؤکمو ایله ۵ ایل حبسه محکوم ائدیلمیشدی.
بوندان اؤنجه ۹ آباندا تلویزیوندا یاییملانان شوو-محکمه سورجینده بیر چوخ موتهیم اعتراف ائتمه‌یه مجبور ائدیلیبلر. یاییملانان گؤرونتولرده محمدجواد تربیت ده موتهیملر آراسیندا یئر آلمیشدی.
محمدجواد تربیت میرکوهی ۳۰ شهریور ۱۴۰۱-جی ایلده تهرانین اینقیلاب مئیدانی یاخینلیغیندا گوونلیک گوجلری طرفیندن حبس ائدیلمیشدی.
