مجلیس ملت وکیلی: ایراندا ۲۵ میلیون اینسان ات آلا بیلمیر

ایسلامی مشورت مجلیسی‌نین اکینچیلیک کمیسیونونون عضوو رحمت‌الله نوروزی، اهالی‌نین آلتی اوندابیرلیک حیصه‌‌‌سی‌نین و یا ۲۵ میلیوندان چوخ اینسانین ات آلا بیلمه‌دیکلرینی سؤیله‌دی.

نوروزی، ایران خالقی‌نین بو گئنیش طبقه‌‌‌سی آراسیندا ایشچیلر، دؤولت چالیشانلاری، امکلیلر و حساس قروپلاردان آدا آپاردی.

داها اؤنجه مجلیسین آراشدیرما مرکزی، ۹۸-جی ایلده اورتا صینیف آراسیندا قیرمیزی ات توکتیمی‌نین ۱۳۹۵-جی ایله نیسبتاً یوزده ۳۰-دان چوخ آزالدیغینی بیلدیرمیشدی.

بسلنمه و قیدا صنایع‌سی آراشدیرمالاری انیستیتوسو دا ایراندا بیر چوخ عائله‌‌‌نین قیرمیزی و آغ ات، یومورتا و سود توکتیمینی سوفره‌لریندن کسکین شکیلده آزالتدیغینی و یا چیخاردیغینی آچیقلادی.

اقتصادی اوزمانلارین فیکرینجه، سون بیر ایلده آرتان تحریملر، نفت گلیرلری‌نین آزالماسی، مضنه (ارز) ديیشیکلیگی و خام‌مال و ماللارین قیمتلرینده‌کی جدی آرتیملارلا یاناشی، بیر چوخ ایرانلی عائله‌‌‌‌نین آلیجیلیق قابیلیتی آزالمیش و ایراندا یوخسوللوق حدی گئنیشلنمیشدیر. .

ایرانین بین الخلق تجریدینه سبب اولان ایسلام جمهوریییتی‌نین ماجراجی و میلیتاریست سیاستلری، ایراندا عومومی یوخسوللوغون یاییلماسی‌نین اساس کؤکلریندندیر.