مجبوری حجابین رعایت ائدیلمه‌مه‌سی نه‌دنی ایله دوغو آذربایجاندا ۸۰ صنفی قورولوش مؤهورله‌نیب
دوغو آذربایجان ایالتی‌نین پولیس رئیسی بو ایالتده مجبوری حجاب دوغرولتوسوندا ۸۰ صنفی قورولوشون مؤهورلندیگینی و ۲ مین ۱۱ اتومبیله بیلدیریش گؤندردیگینی آچیقلاییب.
حسین عبدی ۶ اردیبهشت ۱۴۰۲-جی ایل چارشنبه گونو بو خبری اعلان ائتدی و بونون مجبوری حجابین رعایت ائدیلمه‌سی دوغرولتوسوندا باش وئردیگینی بیلدیردی.
آیریجا دوغو آذربایجان ایالتی‌نین فتا پولیسی‌نین رئیسی محسن محمودی سوسیال شبکه‌لرده مجبوری حجابی رعایت ائتمه‌ین ۱۵۱ قوللانیجی‌نین بللی ائدیلدیگینی آچیقلاییب.
خبر آنلاین سایتی‌نین یایدیغی خبره گؤره، حؤکومتین قبول ائتدیگی حجابین تبلیغینه اویغون اولاراق، پولیس گوجلری‌نین ایران وطنداشلارینا گؤندردیگی مئساژلار ۲ میلیارد تومن خرج گؤتوروب.
مجبوری حجابین قارشیتلاری اوچون یارادیلان بوتون تضییق و محدودیتلره باخمایاراق، ایرانین موختلیف شهرلرینده قادینلار مجبوری حجابا تسلیم اولمادان گزینتی و اجتماعی یئرلرده گؤرونمه ویدئولارینی یایاراق باسقی قوروملارینا قارشی سیویل دیرنیش گؤسترمکده داوام ائدیرلر.
