قیزیل اؤزن چایی قورودو
چئشیدلی سببلردن آرتیق بیر نئچه ایلدیر کی، یای مؤوسومونده قیزیل اوزن چایی‌نین آخینی دایانیر و یایین بیر نئچه آیی ایچینده چایین قوروماسی ایله بو اراضیده موختلیف جانلی نؤوعلری‌نین حیاتینین ایتیریلمه‌سینه سبب اولور.
اؤلکه‌ده و حتی دونیادا نادیر راست گلینن چئشیدلی جانلی نؤوعلری؛ بو قیسا مدت ایچینده اؤله‌جک و یاخین بیر نئچه ایلده ده بو گئدیشات داوام ائدرسه، تأسف کی، بو اؤنملی چایدا چئوره‌نین اؤلومونون شاهیدی اولاجاغیق.
قئید ائدک کی، سون گونلرده آذربایجانلی مدنی فعاللارین اورمیه گؤلونون آجیناجاقلی دورومو ایله باغلی آچیقلامالاری یاییملاندیقدان سونرا آذربایجانین چئشیدلی شهرلرینده اعتراض آکسییالاری کئچیریبلر.
اورمیه گؤلونون قوروماسی سونوجوندا یارانان دوز فیرتینالاری‌نین یئنیدن باش وئرمه‌سی و توز مرکزلری‌نین ایشه دوشمه‌سی میلیونلارلا اینسانین ساغلاملیغینی تهلوکه آلتینا سالاجاق و بو سببدن ده بو گؤلون قوروماسی اولوسلارآراسی اکولوژی تهلوکه حساب اولونور.
اوزمانلارین فیکرینجه، اورمیه گؤلونون ساحللرینده توز طوفانلاری و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
#آذربایجان_خبرلری #قیزیل_اوزن
