قیدا و درمان تشکیلاتی‌نین معاونی: انسولین چاتیشمازلیغی قلوبال پروبلئمدیر، داخیلی درمانلاردان ایستیفاده ائدین
قیدا و درمان تشکیلاتی‌نین معاونی ناصر هیراد، قلم انسولینلری‌نین چاتیشمازلیغینی “قلوبال پروبلئم” آدلاندیردی و دئدی: “دیابت خسته‌لری توکتدیکلری برنده اللری چاتمادیغی تقدیرده ایچریده اورتیلن درمانلاردان ایستیفاده ائده بیلرلر”.
داها اؤنجه ایران مدیاسی خبر وئرمیشدی کی، قارا بازاردا انسولینین قیمتی داوا‌خانالارین سککیز قاتینا چاتیب.
سون واختلاردا ایران داوا‌خانالاریندا انسولین قیتلاشیب و بعضی دیابت خسته‌لری توکتیم تاریخی کئچمیش انسولینلردن ایستیفاده ائتمک مجبوریتینده قالدی.
ایران دؤولت مقاملاری بو حیاتی واجیب درمانین آزلیغینی اولوسلارآراسی تحریملر ایله علاقه‌‌‌لندیرسه‌لر ده، درمانین اؤلکه‌دن قاچاق یوللارلا چیخاریلدیغی باره‌ده بیلگیلر وار.
ایراندا تخمیناً بئش میلیون اینسان دیابت خسته‌سیدیر و اونلاردان ۶۰۰ مین نفردن چوخو گونده‌لیک انسولین وورماق مجبوریتینده‌دیر.
بوندان اؤنجه ایرانین قیدا و درمان تشکیلاتی‌نین رییسی قونشو اؤلکلرین پوللاری‌نین ديرینین ریالین اوستونده اولدوغو اوچون اؤلکه‌دن درمان قاچاق‌مالچیلیغی‌نین اؤنجه‌کی ایللردن داها چوخ آرتدیغینی اعلان ائتمیشدی.
