قوشاچای محکمه‌‌سینده بهزاد خدابنده‌لونون ایستینطاق اوتورومو کئچیریلیب
تورک مدنی فعال بهزاد خدابنده‌لویا قارشی ایره‌لی سورولون اتهاملارا باخیلماق اوزره بو فعالین محکمه‌سی قوشاچای (میاندو آب) شهری‌نین اینقیلاب محکمه‌‌سینده کئچیریلیب.
دونن ۶ تیر ۱۴۰۳-ده قوشاچای شهری‌نین اینقیلاب محکمه‌‌سینده بو آذربایجانلی فعالین، یالانلار یایماق، قامو اویونو پوزماق و ایسلام جمهورییتی رژیمینه قارشی تبلیغات آپارماقلا باغلی اتهاملارینا باخیلیب و جناب خدا بنده‌لو بو اتهاملارا قارشی اؤز ساوونماسینی وئریب.
مدنی فعال بهزاد خدابنده‌لونون ایستینطاق اوتورومو دونن ۱۴ اسفند ۱۴۰۲-جی ایلده قوشاچای (میاندواب) شهری عومومی و اینقیلاب ساوجیلیغی‌نین اوچونجو شؤبه‌سینده کئچیریلیب و محکمه‌یه قدر ۳۰۰ میلیون تومنلیک گیروو قارشیلیغیندا سربست بوراخیلیب.
بوندان اؤنجه ۲۹ بهمن گونو گوونلیک گوجلری بهزاد خدابنده‌لونون یاشادیغی آتا ائوینه باسقین ائدیب و او ائوده اولمادیغی اوچون حبس ائده بیلمه‌ییبلر و ائوده آختاریش آپاریبلار.
Iranwire
