قوشاچای‌دا ساخلانیلان ۱۹ نفرین کیملیگی بللی ائدیلیب
باتی آذربایجانین قوشاچای (میاندواب) شهرینده حبس ائدیلن ۱۹ وطنداشین کیملیگی شهرام ستار پور، پویا جدیدی، محمد حسن داوودی، علیرضا معنویان، امین فاطمی، فرزین، فتح بابایی، هادی ایرانی، حسین امامی، مبین شکرزاده، مهیار عشقی آذر، حامد سعیدی، امیر شیخی، رضا پهلوانیان، علی سبزعلی پور، میلاد اکبریان، آرش آزادی، سینا لیث، فراز پورمرادی، حامد کثیری اولاراق آچیقلانیب.
ساخلانیلانلارین دورومو و مومکون اتهاملاری ایله باغلی بیلگی یوخدور.
بوندان اؤنجه قوشاچای‌دا توتولان آذربایجانلی یئنی‌یئتمه علی هاشمی‌نین کیملیگی تصدیقلنه‌رک یاییملانمیشدی.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
#عومومی_اعتراضلار
