قوزئی خوراساندا عائله ایچی شدت ایستاتیستیکاسی آرتمیشدیر
قوزئی خوراسانین ریفاه ایداره‌سی‌نین سوسیال ایشلر معاونی ایالتده قادینا شدتین ۲۰ فایز آرتدیغینی آچیقلادی.
علی‌اکبر صحرانورد «بو ایلین ایلک اوچ آییندا حیات یولداشینا قارشی شدت گؤسترمه نیسبتی کئچن ایلین عینی دؤورو ایله موقایسه‌‌ده ۲۰ فایز آرتمیشدیر» دئدی
صحرانورد علاوه ائتدی: «بو ایلین ایلک اوچ آییندا عائله ایچی شدته گؤره بو تشکیلاتا ۱۲۰ حادثه‌‌‌نین باش وئردیگی بیلدیریلدی.»
اونون سؤزلرینه گؤره، «ایالتده عائله ایچی شدتده ان یوکسک یاش حدی ۲۵-۲۹یاش آراسیندادیر و بو بؤلگه‌ده قادینلارین چوخو ارککلر طرفیندن اذیت ائدیلیر».
بو مقام، قوزئی خوراسان ایالتینده عائله ایچی شدتین ان اؤنملی سببلرینی ماده باغیملیلیغی، اقتصادی پروبلئملر، ایشسیزلیک و زوراکیلیق اولاراق قئید ائتدی.
اونون سؤزلرینه گؤره، «بو ساحه‌‌‌ده عائله ایچی شدتین ان چوخ یاییلمیش نؤعو دویقوسال تجاووز و فیزیکی زوراکیلیقدیر».
