قوزئی اهالیسینی تحقیر ائدن شخصین حؤکمو وئریلدی؛ ۳ ایل حبس
قیسا بیر ویدئو یاییملایاراق قوزئی ایالتلری‌نین اهالیسینی «تحقیر ائدن» شخصه اوچ ایل حبس و ۱۴۸ قامچی، و محروم بؤلگه‌لرده مجبوری اوتورما جزاسی وئریلدی.
مازانداران محکمه‌سینین رییسی «محمدصادق اکبری»، موتهیمین «عومومی دوشونجیی ناراحات ائتمک»، «تحقیر ائتمک» و «بؤهتان آتماق» اتهامی ایله توپلام اوچ ایل تعزیری حبس و ۱۴۸ قامچی جزاسینا محکوم ائدیلدیگینی سؤیله‌دی.
اکبری علاوه ائدیب کی، بو شخص اوچون علاوه جزا اؤلکه‌نین قوزئیینده‌کی ساحلی ایالتلرده یاشاماق و سیاحت قاداغاسی و محروم بؤلگه‌لرده ایکی ایل مجبورییاشاماقدیر.
او علاوه ائتدی: «موتهیمین پئشمان اولدوغونو ایفاده ائتمه‌سی سببی ایله، حبس جزاسی‌نین یاریسی گؤز آلتیندا اولاراق، یئتیملر و ایمکانسیزلارا ائو تیکمک اوچون ایشله‌مه‌یه مجبور ائدیله‌رک کئچیریله‌جک.»
بو شخصین اینستاگرامدا قیسا ویدئوسونون یاییملانماسی بیر قروپ قوزئی اهالیسی‌نین غضبلنمه‌سینه سبب اولدو.
