قوروگول آرادان گتمک تهلکه سی ایله اوز به اوزدور!
چینار – شرقی آذربایجان‌دا تبریزین ۳۰ کیلومتر جنوب شرقینده، بوستان آبادین ایسه ۱۵ کیلومتر غربینده یئرله‌شن «قورو گؤل»، بو گون آرادان گئتمک تهلوکه‌سی ایله اوز-اوزه‌دیر.
قوراقلیق، یاغینتی‌لارین آزالماسی و قورو گؤله تؤکولن سویون بیر چوخ مقدارینین اکینچی‌لیک‌ده استفاده اولونماسی، بو تالابین قوروما سببلری‌دیرلر. قورو گؤلون سو قایناقلاری قار-یاغیش نتیجه‌سینده آخان سولار و اونون دیبیندن قاینایان بیر سیرا یئر آلتی بولاقلاردیر.
«قورو گؤل»ون اکولوژی اهميتینه گؤره بو سولاق (تالاب) رامسر کنوانسیونوندا قئیده آلینمیش بین الخالق سولاق اراضی‌لردن بیریدیر. هابئله بو سولاق بیر سیرا قورونان کؤچری قوشلارین فصلی قبولونا گؤره میللی و بین الخالق اهمیت داشیییر.
