قضالار و کرونا تعجیلی یاردیما اولان باشوورولاری یوزده ۸۰ آرتیردی
ایران تعجیلی یاردیم تشکیلاتی‌نین رییسی «پیرحسین کولیوند»، یئنی ایلین ایلک اون ایکی گونونده کئچن ایلین عینی دؤورونه گؤره طبّ مرکزلرینه و تعجیل یاردیم مرکزلرینه باشوورولارین ساییسی‌نین کرونا ویروس و قضالارین باش وئرمه‌سی نه‌دنی ایله یاخلاشیق یوزده ۸۰ آرتدیغینی دئییر.
ایران تعجیل یاردیم تشکیلاتی‌نین رییسی ۱۲ فروردین ۱۴۰۰-جو ایل جوما آخشامی گونو کرونا ویروسو و یول قضالارینین ایراندا مؤوجود ایکی تهلوکه اولاراق آدلاندیردی و بونلاری سؤیله‌دی: بو ایل هم یول قضالاریندا یارالانانلارین سایی کئچن ایله گؤره اؤنملی درجه‌‌‌ده آرتدی، هم ده کرونا اوچون باشووران خسته‌لرین سایی آرتدی.
کولیوند بونونلا باغلی ایستاتیستیک بیلگی وئرمه‌ییب.
صحیه ناظرلیگی‌نین وئردیگی بیلگیلره گؤره، ایراندا کرونا ویروسونون باشلانغیجیندان بری ۶۲ مین ۷۵۹ نفر ویروسدان اؤتورو اؤلدو؛ داها اؤنجه ایسلام جمهورییتی یئتکیلیلری، داها دوغرو بیر سایییا چاتماق اوچون ایستاتیستیکانین ان آز ایکی قاتا چیخاریلماسی گرکدیگینی سؤیله‌میشدیلر.
iranwire
