قادین و اوشاق حوقوقلاری‌نین ساوونوجوسو محیا واحدی حبس ائدیلیب
بازار گونو، ۲۵ دی ایسلام جمهورییتی‌نین گوونلیک گوجلری قادین و اوشاق حوقوقلاری ساوونوجوسو، ایمام علی جمعیتی‌نین عضوو محیا واحدی حبس ائدیب.
بو خبری آچیقلایان خانیم واحدی‌نین قارداشی توییتر حسابیندا یازیب کی، باجیسی هئچ بیر ایضاحات وئریلمه‌دن ایش یئرینده حبس ائدیلیب و اونون الکترون جیهازلاری دا موصادیره اولونوب.
محیا واحدی ایمام علی خیريه قروپونون کؤنوللو عضولریندن بیریدیر، یاخینلاری‌نین سوسیال شبکه‌لرده وئردیگی بیلگیلره گؤره، ۱۰ ایلدن آرتیقدیر کی، تهرانین محروم بؤلگه‌لرینده و ایرانین محروم ایالتلرینده حساس اوشاقلار و قادینلارا خیدمت گؤستریب.
ایمام علی جمعیتی قئیری-حؤکومت خیريه قورومودور و اؤتن ایل ایران ایسلام جمهورییتی‌نین داخیلی ایشلر ناظرلیگی طرفیندن لغو ائدیلمه‌سی باره‌ده حؤکم وئریلمیشدیر.
ایمام علی جمعیتی‌نین قوروجوسو “شارمین میمندی‌نژاد” ۱۳۹۹-جو ایلین خرداد آییندا اینقیلاب کئشیکچیلری اطلاعاتی طرفیندن حبس ائدیلمیش و ایکی میلیارد تومنلیک گیروو قارشیلیغیندا عینی ایلین آبان آیینین ۶-سیندا سربست بوراخیلمیشدی.
IranWire
