قادینلار علمی حوزه‌سی: حؤکومت اویغونسوز اویونچولارین اوزونه سیله وورمالیدیر
قزوین ایالتیندده‌کی قادینلار علمی حوزه‌سی‌نین اوستاد و طلبهلری بیر آچیقلامادا، فجر فیلم فئستیوالی‌نین تشکیلاتچیلارینی “زنا”نی تبلیغ ائتمکده گوناهلاندیریب و ایران حؤکومتینی حیاسیز و عیفت‌سیز اویونچولاری سیلله‌مه‌یه چاغیریبلار.
قزوینین فاطمیه مکتبی‌نین طلبهلری ایسفند آیینین ایلک بازار گونو آچیقلاما یایاراق، فجر فیلم فئستیوالینی “ایسلامی توپلومدا حیاسیزلیق و غیفت‌سیزلیک (زنا) مدنيتینی یایماقدا” اتهام ائدیب و دئییبلر،”بئله بیر فئستیوالدا نییه آغ نیکاحدان دانیشیلمالیدیر؟” حجابسیزلیق، عیفت‌سیزلیک و آچیق اؤرتوکلرلره یاناشی هانسی فتوایا گؤره تانری‌نین حرامینی حلال ائدیبلر؟.
بو طلبه‌لر رومانتیک، آنجاق رسمی اولمایان موناسیبتدن اولان اوشاق حاقیندا ایفاده‌لری فجر فیلم فئستیوالیندا سسئناریست نوشین معراجی‌نین سؤزلرینه ایستیناد ائدیرلر.
خانیم معراجی ۴-جی فجر فیلم فئستیوالیندا نمور فیلمی‌نین مطبوعات کونفرانسیندا بیر ژورنالیستین فیلمینده‌کی شخصییت‌لردن بیری‌نین حلالزاده اولماماسی ایله باغلی سؤالینا جاواب اولاراق بئله دئییب: ایکی اینسان بیر-بیرینی سئونده، اونلارین آراسیندا مؤوجود اولان سئوگی او قدر موقدسدیر کی، منجه، اونلارین دوغولدوغو اؤولادی حلالدیر.
قزوین ایالتینده‌کی فاطمیه حوزه‌سی‌نین بسیجیلری، طلبهلری و اوستادلاری بو سسئناریستین سؤزلرینی چرکین حرکت آدلاندیریب و ایسلام جمهورییتی حؤکومتینی و اؤلکه‌نین اینقیلابچی جمهورباشقانی‌نی بو جور حیاسیز اینسانلارین اوزونه سیله وورماغا چاغیریبلار چونکی چوخ چرکین و ائیبه‌جر دوشونجه توپلوما زیان وورور و توپلومدا اخلاقسیزلیغی تبلیغ ائدیر.
حؤکومت یانلیسی آشیری قوه‌لرین خانیم معراجی‌نین سؤزلرینه کسکین تپکیلری اونو چارشنبه گونو، ۲۷ بهمن-ده بعضی وطنداشلارین اینجیمه‌سینه نه‌دن اولدوغونو دئین یازدیغی بیر مکتوبدا عوذر ایسته‌ییب.
