فئورال 21-ی دونیا آنا دیلی گونو

آنا دیلی، بیزی بیز ائدین فاکتور فئورالین 21ی، دونیا آنا دیلی گونو… فئورالین 21ی، یئر کوره سینین ده آنا دیلینین اؤنمیین هایقیرماق دیر، فئورالین 21ی، آنا دیللرینه قارشی اولومسوز سیاست لره دور دئمک، فئورالین 21ی، اوشاغین آنا دیلینیده تحصیل آلماق، دوغال حاقق کیمی رسمیت تانینماق، و دونیانی دیل لر آچیسیندان رنگ لی گؤرمک و رنگ لی تانیتدیرماق دیر.

فئورالین 21ی، گئری قالمیش اؤلکه لرده دیل لری اسیر اولان خالق لارین، دیل حاق لارین سسلندیرمک و آنا دیلینده تحصیل آلماق اؤنم و حاققی نی ورقولاما زامانی دیر. تورک دیلی ده ایرانین سیاسی جغرافیاسیندا زیندان دا اولان دیللردن بیریدیر. ائله بیر زیندان کی گئچن 100 ایلده خالقیمیزین سیرالاریندا آسیمیلاسیون لا سبب اولموشدور. فئورالین 21 ینین سئچیلیش گونو، دونیادا آنا دیلینه سایقی گؤستریلمه سی اوچون دئیل، بلکه اونا قارشی سایقیسیزلیق لاری دایاندیرماق اوچون سئچیلمیش دیر.

فئورالین 21ی دونیا چاپیندا آنا دیلینه قارشی اولومسوز سیاست لری دایاندیرماق و آنا دیلی حاققینی وورقولاماق اوچون سئچیلمیشدیر.

آزربایجان دئموکراتیک بیرلییی – بیرلیک، فئورالین 21ی، آنا دیلی حاققی نی هایقیرماق، آنا دیلین اؤنمیندن دانیشماق، دیلین میللی کیم لییمیزده جیددی رولون گؤسترمک و بیزی بیزی قیلان و میللتیمیز میللت ائدن آنا دیلیمیزی / تورک دیلیمیزی وورقولاماق دیر. آزربایجان دئموکراتیک بیرلییی – بیرلیک، تورک دیلینده تحصیل ائتمک حاققی نی اؤ سیاست لرینده اوستون توتان و اونا اساسلاناراق سیاست آپارمانی اؤزونه بیر یول کیمی سئچمیشدیر.

یاشاسین خالقیمیز وار اولسون تورکجه میز

آزربایجان دئموکراتیک بیرلییی – بیرلیک

14.02.2021