فئورالین 21- دونیا آنا دیلی گونو , ایراندا دیل‌لرین رسمیته تانیماغا یؤنلندیرن گون
کئچن یوز ایل، نئچه دیللی اؤلکه، ایراندا، بیر دیللیلیک سیاستی یوروتمگی‌نین شاهیدی اولموشوق. اولدوقجا آیری سئچگیللیه معروض قویان بیر سیاست کی، اونون نتیجه سینده تاسسوفله، ایراندا تکجه بیر دیل(فارسی) رسمی اولوب، وار اولان باشقا دیل‌لر ( تورکجه، کوردجه، عربجه، بلوچ‌جا وس.) تحصیل وتدریس ساحه‌سیندن اوزاق ساخلانمیشدیرلار. آیری سئچمک‌دن دولو بو سیاست، بونو بیلدیگیمیزده کی، ایرانین اسکی ائیتیم- اؤیرتیم باخانی، “حمید رضا بابایی” بگین دئیشینه گؤره” ایرانین بوتون مکتبلرینده، اوشاقلارین 70 فایزی ایکی دیللی( یانی غیرفارس) دیرلار” بوآیری سئچمک سیاستی، داها درینلشیر. شیدتله غیر اینسانی اولان بو سیاست، اوشاغین ضیددینه، ایراندا اولان غیر فارس دیل‌لری‌نین ضیددینه و اوشاقلارین ضیددینه یانی” دونیا اوشاق حاقلاری کونوانسیون” ونون ضیددینه‌دیر. ورغولادیغیمیز بو کونوانسیونون تمل‌لریندن بیری اوشاقلارین آنا دیلینده تحصیلیدیر.
بو کونوانسیونو 1372- اسفند آیندا، اسلام جومهورسونون شورا مجلسی اونایلایبدیر.
فوریه‌نین21- دونیا آنا دیلی گونو، تکجه بو ندنله دییل کی، تاریخین اعجازلی میراثی و هدیه کیمی اولان دیل لرین اهمییتینه دیقت اولونسون و یا خود دونیا دا موجود اولان دیل‌لر ساخلانیلسین،اوسته‌لیک، دونیا آنا دیلی‌نین دیققت و ورغوسو، بیلرک اوشاقلارین آنا دیلینده تدریس وتحصیلیدیر. آنجاق ایرانین استبدادی وبوتونجول اسلام دئولتی، و مرکزین اولترا ناسیونالیست جریانلاری( پان ایرانیستلر، جیبهه میللی و سلطنت طلبلر)، اسلام دئولتی‌له یاناشی هابئله اپوزسیون، چوخ سایلی میلتلر یاشایان ایران اؤلکه‌سینده، هله‌ده اوشاغین بیرینجی حاقی اولان، آنا دیلینده تدریسی‌له موخالیفدیرلر.
زامان کئچدیک‌جه، غیر فارس میللتلرین آراسیندا، دیل حاققیندا موباریزه سیرالاری، داها دا سیخلاشیر و مرکزین دموکراتلاری‌نین بیر بؤلومو بئله، بو فرهنگی و مدنی موباریزه‌یه قوشولوب و ایراندا غیر فارس دیل لری‌نین رسمیلشمه‌سی و اوشاقلارین آنا دیلینده تحصیل ائتمه‌سی یولوندا موباریزه ائدیرلر.
فئورالین 21، اؤزلوگونده، دیل لرین رسمی‌لشمگی و اوشاقلارین آنا دیلینده تحصیلینه باغیرماقدیر.
بئله لیکه، موختلیف ائتنیکیلی و نئچه دیللی اؤلکه‌سی،ایران، چکیشمه میدانی اولوب. بیر طرفده، آنا دیلینه ضید اولان، بوتونجول، شونیسم، فاشیست سیاستی و دیگر طرفده خالقلارین، اؤزلیکله تورک خالقی نین آنا دیلینی جانلاندیرماغا آمانسیز موباریزه‌سی و تورک دیلینی دئولت سویه‌سینده ایراندا و گونئی آذربایجاندا رسمیلشدیرمه‌لری دایانیبدیر.
فئورالین 21- دونیا آنا دیلی گونو، اولوسلار آراسی دیل حاقیندا موباریزه حاققینی گئنیشلندیرمک‌دن ساوای، تورک خالقی‌نین دئمو کراتیک ایستکلری‌نین گئنیشلنمه‌سیله یاناشی، تورک دیلینی رسمیلشدیرمگه یونلندیریر.
بیز، آذربایجانین دئمکراتیک بیرلیکی – بیرلیک ده ، خالقیمیزین یانیندا، اونلارلا آندلاشما حالدا، اطرافلی و جان دیلدن، دیل حاقینی اَلده ائتمکده‌ییک. بو آمانسیز موباریزه‌ده نه فقط، خالقیمیزین کنارینداییق، هابئله بوتون گوجوموزله ، بین الخالق قوروملاری و باشقا دئولتلرین دیققتینی بو قونویا چکمک ایستیریک کی، غیر فارس دیل‌لرینی ایراندا رسمی ائتمه‌گه، گئریچی اسلام جومهوریتینی باسقی آلتیندا سالسینلار.
آذربایجانین دئمکراتیک بیرلیکی -بیرلیک
فورال آیینین ۲۰ سی
۲۰۲۲
