غربی آزربایجان دا سون بیر هفته‌ده 5 اوشاق کرونا نه‌دنی ایله حیاتینی ایتیریب
غربی آزربایجان طب علملری بیلیم‌یوردونون کئچیجی رئیسی سون ۲۴ ساعتدا ایالتده ۱۲۷۸ نفرده کرونا خسته‌لیگی‌نین تثبیت ائدیلدیگینی و سون بیر هفته‌ده ۵ اوشاغین کرونا نه‌دنی ایله حیاتینی ایتیردیگینی بیلدیریب.
محمدامین ولی زاده بیلدیردی: سون ۲۴ ساعتدا ۱۰۵ خسته‌نین خسته‌خانایا یئر‌لشدیریلمه‌سی ایله غربی آزربایجان دا خسته‌خانایا یئرلشدیریلن کرونا خسته‌لرینین توپلام سایی ۴۶۱ نفره چاتدی.
او ۱۰۹ خسته‌نین اؤزل باخیم شؤبه‌لرینده خسته‌خانایا یئر‌لشدیریلدیگینی و ۲۶ نفرین ونتیلاتورلا نفس آلدیغینی ایفاده ائتدی.
او بیلدیردی سون ۲۴ ساعتدا ۲ نفرین اؤلومو ایله غربی آزربایجان دا کرونا اؤلوملری‌نین توپلام سایی ۷ مین ۲۸۴ نفره چاتدی.
او آرتیردی سون بیر هفته‌ده ۵ اوشاق کرونا نه‌دنی ایله حیاتینی ایتیریب کی بو اشاقلاردان ۴ نفری ۱ یاش آلتیندا و بو اوشاقلاردان بیری ده ۳ یاشیندا بیر اوشاق ایدی.
ولی‌زاده دئدی اومیکرون اوشاقلاری داها چوخ ائتکی آلتینا آلیر و اونلاری بو یئنی واریانتدا داها چوخ قورومالیییق.
یئنی کرونا واریانتی کؤرپه و اوشاقلاردا دا خسته‌خانایا یئر‌لشدیریلمه‌لری گؤرونمه‌میش شکیلده چوخالتدی، آنجاق بوتون فعالیتلر هله ده داوام ائدیر و هئچ بیر محدودیت، حتی اوخوللارین و بیلیم‌یوردلارینین باغلانماسی گوندمده دئییل.
