علی شادی تبریزده گوونلیک گوجلری طرفیندن حبس ائدیلیب

ایران وایرن الده ائتدیگی بیلگیلره گؤره تورک مدنی فعال علی شادی ۱۴ دی ۱۴۰۱-جی ایل چارشنبه‌ گونو تبریزین امین کوچه‌سینده‌کی ایش یئرینده گوونلیک گوجلری طرفیندن حبس ائدیلیب.

بو آنا قدر بو مدنی فعالین حبسی‌نین سببلری، مومکون اتهامی و کؤچورولدویو یئر باره‌ده آیرینتیلی بیلگی یوخدور.

سون اعتراضلارلا عینی واختدا آذربایجانین موختلیف شهرلرینده حبسلرین حجمی کسکین شکیلده آرتیب.

آیریجا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.