علی رضی‌زاده‌نظرلونون محکمه اوتورومو کئچیریلیب
تهراندا یاشایان تورک مدنی فعال علی رضی‌زاده‌نظرلو (نادارلی) اونا قارشی ایره‌لی سورولن اتهامی ساوونماق اوچون شنبه گونو، ۲۴ تیر ۱۴۰۲-جی ایلده تهران اینقیلاب محکمه‌‌سی‌نین ۱۵-جی شؤبه‌سینده چیخیش ائدیب.
تهران اینقیلاب محکمه‌‌سی‌نین ۱۵-جی شؤبه‌سی‌نین رهبری حاکم صلواتی علی رضی‌زاده نادارلی‌نی (نظرلو) رژیمه قارشی تبلیغات ایله اتهام ائده‌رک اونون ساوونماسینی آلیب.
علی رضی‌زاده‌نظرلو (نادارلی) ثنا سیستمی واسطه‌‌‌سیله آلدیغی بیلدیریشه اساساً، الدیغی بیلدیریش تاریخیندن ۵ گون سونرا ادعادا یئر آلان اتهامی ساوونماق اوچون تهرانین ۳۳-جو بؤلگه‌سی‌‌نین عومومی و اینقیلاب ساوجیلیغی‌نین ۳-جو ایستینطاق شؤبه‌سینده حاضر اولمالی ایدی.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی چاغریلیب، حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
حبس اولونان بیر چوخ اعتراضچی‌نین دورومو و آدلاری حاقیندا دقیق بیلگی یوخدور و اونلارین ساغلاملیق دورومو توپلومدا ناراحاتلیق یارادیب.
