علی دایی و علی کریمی کانادایا سیاحت تکلیفینی رد ائدیبلر
بوندان اؤنجه ایران مطبوعاتی فوتبول فدراسیونونون علی دایی، علی کریمی و خداداد عزیزی‌نی ایران میلیسی ایله سفرده موشایعت ائتمه‌یه چالیشدیغینی، آنجاق فوتبول فدراسیونونون طلبینی یالنیز خداداد عزیزی‌نین قبول ائتدیگینی بیلدیرمیشدی.
او، دونن (بازار ائرته‌سی) ایران مئدیاسینا دئییب کی، ویزا آلماق اوچون پاسپورتونو فوتبول فدراسیونوننا تحویل وئریب.
ایرنا ادعا ائدیب کی، کانادا فوتبول فدراسیونو ایله راضیلاشمایا اساساً، بو سفرده ۲۵ اویونچو و ۲۱ ایجراچی هئیت و تئکنیکی هیئت ایشتیراک ائده‌جک. بو سفرده اولان شخصلردن بعضیلری فوتبول فدراسیونونون حراست مامورلاری و ایران میلی کومانداسی‌نین حاضرکی سؤزچوسو محمد جماعت دیر. محمد جماعت بوندان اؤنجه اینقیلاب کئشیکچیلری ایله باغلی فارس و مشرق نیوز خبر آژانسلاری‌نین ایدمان صفحه‌سی‌نین باش یازاری اولوب.
ایران میلی کومانداسی‌نین کانادایا سفری کانادادا یاشایان ایرانلیلارین تپکیسی ایله موشایعت اولونوب.
#ایران_خبرلری #ایدمان
