علی دایی اؤزونون و عائیله‌سی‌نین تهدید ائدیلمه‌سینی بیلدیریب
او، یازیسینی بوتون سیاسی محبوسلارین قئید-شرطسیز سربست بوراخیلاجاغینا اومید ائدیرم جومله‌‌‌سی ایله باشلاییب و داها سونرا یازیب کی، سون آیلاردا اؤزونون و عائله‌‌‌سی‌نین قوروملار، مئدیا و شخصیتلر طرفیندن تهدیدلره معروض قالیب.
علی دایی یازیسی‌نین بیر حیصه‌‌‌سینده “آیت الله بهجت”ین اونا سوسیال مدیادان اوزاق دورماسی ایله باغلی خبردارلیق ائتدیگینی یازان اینقیلاب کئشیکچیلرینه یاخین بعضی مئدیانین ادعاسینا توخونوب و یازیب: اونون ساغلیغیندا ایندیکی کیمی سانال مئدیا یوخ ایدی.
آیت الله بهجت ۲۰۰۹-جو ایل ۱۷ می آیییندا ۹۲ یاشیندا وفات ائتمیش، اینستاگرام ایسه رسمی اولاراق ۲۰۱۰-جو ایل ۶ اکتبردا فعالیته باشلامیشدیر.
بازار گونو فارس خبر آژانسی‌نین سیندیریلمیش سندلرینده بسیج تشکیلاتی‌نین معاونی “قاسم قریشی”نین سس فایلی درج ائدیلیب و او، اینقیلاب کئشیکچیلری کوماندیری علی دایی‌نی “قیزی‌نین و حیات یولداشی”نین ائیتیمی آدلاندیردیغی اوچون تحقیر ائتمه‌یه چالیشیب.
#عومومی_اعتراضلار #علی_دایی
