علی افشاری: قاآنی و ظریف هر ایکیسی گیروو گؤتورمه مکانیزمینین خیدمتینده‌دیرلر
آمریکادا یاشایان بیر سیاسی فعال علی افشاری دئییر کی، مازیار بهاری‌نین یؤنتدیگی «نامردجه ائو صاحیبلیگی» بلگه‌سلی‌نی ایزله‌مک اونونلا باغلی حبس خاطیره‌لرینی جانلاندیریر و اونونلا امپاتی حیس ائدیر.
حبس‌خانا خاطیره‌لرینی گئری قایتارماغین سبب اولدوغو کدری ایله یاناشی، بیر ایرانلی اولاراق نزار زکادان اوتاندیغینی دا علاوه ائتدی. خاریجی قوناق کیمی ایرانا گئتدیگینه گؤره قیمتلندیریلمک و زیروه‌ده اوتورماق عوضینه دؤرد ایل حبس جزاسینا محکوم ائدیلدی.
نزار زکا لبنان-آمریکا وطنداشیدیر کی، ۱۳۹۴-جی ایلده ایران جمهورباشقانی‌نین قادینلار و عائله ایشلری اوزره معاونی شهیندخت مولاوردی‌نین دعوتی ایله «داواملی گلیشمه‌ده قادینلارین رولو»، اوزرینده کئچیریلن بین الخلق کنفرانسدا ایشتیراک ائتمک اوچون گلدیکدن سونرا «متخاصیم اولکه‌یه جاسوسلوق ائتمک»، اتهامی ایله توتوقلاندی.
علی افشاری، ایران‌وایر ایله صؤحبتینه باشلایاراق قئید ائتدی کی، ایراندا گیروو گؤتورمه اوصولو آمریکانین تهرانداکی سفیرلیگینی اله کئچیرمکله باشلایان و بو گونه قدر داوام ائدن اوزون بیر تاریخه صاحیبدیر.
حاکیميتده‌کی بوتون قروپلار بو یاناشما ایله راضیلاشیرلارمی؟
بعضی حاللاردا بیر-بیری ایله کوردیناسیونا گیریرلر و دیگر حاللاردا، مثلا زکا پرونده‌سی کیمی، ایکی اوچ قروپ اوز-اوزه‌دیر، یا دا تهلوکه‌‌‌سیزلیک اکیبی سیاسی قوه‌لری‌نین بیر حیصه‌‌‌سی ایله قارشی-قارشییا قالیر. بعضاً سئچیلمیش و تعیین اولونموش قوروملار آراسیندا بیر اوچوروم اولور و بیر اوو تاپماغا چالیشیرلار. بو اوولار عینی خاریجی وطنداش و یا خواریجینده یاشایان ایرانلیدیر؛ خوصوصیله نووه فیزیکی و یا بونا بنزر ساحه‌‌‌لر ایله علاقه‌‌‌لی آراشدیرما یاپانلار و آمریکا مودافیه ناظرلیگی طرفیندن ماليه‌لشدیریلن یئرلرده چالیشان اؤیرنجیلر. بعضاً تهلوکه‌‌‌سیزلیک قوه‌لری بو اینسانلارین معین معلوماتلارا صاحب اولدوقلارینی و اؤز پروژه‌لرینی گلیشدیرمک اوچون ایستیفاده ائدیله بیله‌جه‌یینی دوشونور. البتده کی، بو اتهاملارین اکثريتی بیر نؤوع سناریودور و گیروولارلا اولان ایشلری توکندیکدن سونرا آنلاشمایا باغلایاراق قارشی طرفدن سون آوانسی آلماغا چالیشیرلار.
نتیجه‌لرین او قدر ده اورک‌آچان اولمادیغی حاللار وارمی؟
بعضی حاللاردا، «رابرت لوینسون»، کیمی، داخیل اولان تضییقلرین حِسابلانماسی صحو ایدی و او آدام اؤلدورولدو و پراکتیک اولاراق ایسلام جمهوریییتی بوتون ایشلردن فایدالانا بیلمه‌دی. اونو اؤلدورمک ایسته‌دیکلری اوچون دئییل، چوخ گومان کی، رابرت لوینسون خسته اولدوغو و حدیندن آرتیق تضییق آلتیندا اولدوغو اوچون مسئله‌نی ایداره ائده‌مه‌میشلر.
خواریجی وطنداشلارین ساخلانیلماسی‌نین یاپیسال بیر مکانیزم اولدوغونو نظرده توتورسونوز؟
ایران حؤکمدارلاری اوچون بو ایشلرین ایداره اولونماسی و ایداره ائدیلمه‌سی‌نین بیر یولودور. ایسلام جمهوریییتی گیروو گؤتورمه سیستمیدیر. اساساً، شیعه‌‌‌لیکله اساسلانان ایسلام فوندامئنتالیزمی کؤلگه‌سی آلتیندا بؤلگه‌ده فعالیت گؤسترن حربی قوه‌لر شبکه‌سی عینی گیروو گؤتورمه متدونو ایزله‌ییر؛ باشقا سؤزله، سیاسی اراده‌لرینی ایره‌لی گؤتورمک و تهدیدلری آرادان قالدیرماق اوچون اؤلکلرین ماراقلارینی و ثابتلیگینی گیروو گؤتورورلر. آنجاق جناب نزار زکا مسئله‌‌سینده باشقا اینجه‌لیکلر و فرقلر وار.
هانسی فرقی نظرده توتورسونوز؟
اونون حِکایه‌‌سی، سیستمین بوتؤولوکده آمریکا و 5 + 1 اؤلکلری ایله نووه موباحیثه‌لرینده عومومی بیر نتیجه‌یه گلدیگی بیر دؤورده باش وئردی. آنجاق آنلاشمانین تفروعاتلاری و ان اساسی گله‌جیی ایله باغلی هله ده فیکیر آیریلیقلاری وار ایدی. رژیم قوه‌لری‌نین بعضیلری، او دؤورده آمریکا دؤولت مقاملارینا وئردیکلری وعده‌لری نظره آلاراق، نووه آنلاشماسینی پروبلئملرین دیگر حل یوللارینا حاضرلیق اولاراق گؤردولر. آنجاق سیستمین رهبرلیگی و تعیین اولونموش قوروملار بوتون راضیلاشمانین اؤنجه‌کی سويه‌‌ده قالماسینی و قارشیلیقلی اوزلاشما اولماسینی و داواملی و اوزون مدت ديَیشیکلییه یول آچماماسینی ایسته‌دی.
جناب زکا، وضعيتین ان یوکسک سويه‌‌سینده بیر آی‌تی اوزمانی اولاراق ایرانا گئتدیکده، اونو گیروو آلماق ایراندا هئچ بیر شئیین ديیشمه‌دیگینی و ديیشمه‌یه‌جه‌یینی گؤسترمک اوچون یاخشی بیر قونو ایدی. چوخ گومان کی، اونونلا موناسیبت قوراراق مئساژلارینی آلا بیله‌جکلری ان یاخشی قوز اولدوغونو قیمتلندیردیلر و گؤردولر؛ بو «برجام» 2 و 3 سونوجلانمایاجاق و ایراندا اساسلی ديَیشیکلیکلر اولمایاجاق. ولایت فقیه و قوللاری، خوصوصاً اینقیلاب کئشیکچیلری ایرانین بین الخلق بیرلیک ایله موناسیبتلرینی نورماللاشدیرماقدان چکینیرلر.
بوندا سئچیلمیش قورومون و یا حؤکومتین رولو نه اولوب؟
حسن روحانی حؤکومتی کیمی سئچکی قوروملاری حبس و حبس کیمی ایلکین مجبوریتده رول اوینامامیش، آنجاق هم ایراندا، هم ده خاریجده اونلارین و طرفدارلاری‌نین یاراتدیغی پروبلئم سون ایگیرمی ایلده گؤستریلن سعیلردیر. ایرانداکی اتمسفر خاریجده رئکلام اولونانلاردان فرقلیدیر. بیر نؤوع، ایسلام جمهوریییتی‌نین، دئییلدیگی کیمی، عنادکار و چتین بیر سیستم اولمادیغینی و دونیا ایله اصلاحاتلار و قارشیلیقلی تأثیر گوجونه صاحب اولدوغونو سؤیله‌مک ایسته‌ییرلر. بو صحو فرضيه ایله، هم ده زکا کیمی شخصلرین ضرر چکمه‌سینده تأثیرلی اولدولار.
گؤروروک کی، «شهیندخت مولاوردی» خانیمین بو حادثه‌‌‌نین باش وئرمه‌سینده هئچ بیر رولو اولماماسینا باخمایاراق، بو حادثه‌‌‌یه اعتراض ائتمک ایسته‌دیکده بئله، سیستمین اوزونو کورلاماق و ایچریسینده اصلینده اولمایان ساختا بیر گؤرونتو بوراخماق اوچون ائتدیکلرینی سؤیله‌ییر.
منه گؤره مسئله‌‌یه بو جور باخماق قوصورلودور و اصلینده اؤزونو گیروو گؤتوره‌نین یانینا قویور. خانیم مولاوردی هر آن بیر حبسین اولونا بیله‌جه‌یینه امین دئییل. بو سببدن نه اخلاقی، نه ده سیاسی باخیمدان خاریجی وطنداشلار و ایرانلیلارا تأثیر ائدن صحو بیر گؤرونتو وئرمک حوقوقونا مالیکدیر.
باشقا سؤزله، هم تعیین‌ائدیجی اورقانین، هم ده سئچیلن اورقانین سونوندا بو مکانیزمین یولونو توتاجاغینی سؤیله‌ییرسینیز؟
منجه سردار «اسماعیل قآآنی» و «محمدجواد ظریف»، هر ایکی‌سینین باخیشلاری سون نتیجه‌ده بو گیروو آلما مکانیزمینه خیدمت ائدیر. ظریف، ایرانین ایچینده‌کی گئرچکلیکلرین و حبسده اولان «نمازی» (جناب باقر و جناب سیامک نمازی) کیمی شخصلرین و بعضی قوه‌لرین تامامیله صحو بیر منظره‌سینی ایللرجه اینسان حوقوقلاری تشکیلاتلاری و خاریجی مئدیالارا رئکلام ائدیردی و ایندی ده اؤزلری یاخالانیرلار.
نییه بو ساختا گؤرونتولری ایرانین ایچریسیندن دونیایا اؤتورمکده ایصرار ائدیرلر؟ هر حالدا، ایسلام جمهورییییتی ایرانا سیاحت ائدن و صلح ایچینده یاشاماق ایسته‌ین و معلوماتلارا سربست گیریش ایمکانی اولان آراشدیرماجی ایستمیر. بو سیستم اؤنجه‌دن ایرانی بیر آدایا چئویرمه‌یه، دونیا حادثه‌‌‌لرینه گیرمه‌مه‌یه و بؤلگه‌ده اؤزونه ایمکانلار یاراتماغا اساسلانیر؛ لبنلنداکی حزب‌الله ، یمنده‌کی حوثی قروپو و عراقداکی حشدالشعبی ایله و یا روسیه و چینله موناسیبتلری اولدوغو کیمی.
زامانین کئچمه‌سی‌نین بو سیاستلری ديیشدیره بیلمه‌دیگینی دوشونورسوز؟ مثلا، اونلاری آیارلاماق اوچون؟
قلوبال موناقیشه‌لرده، البته کی، گیروو گؤتورمه سیاستی گئنیشله‌نیب. آنجاق اینانیرام کی، هر هانسی بیر خاریجی وطنداش و خاریجده یاشایان ایرانلی ایسلام جمهوریییتی‌نین نظرینده ديَرلی اولمایان قوروم و تشکیلاتلارا باغلی اولسالاردا ایرانا گئتمه‌مه‌لیدیر، چونکی بونلاردان هر هانسی بیری بو حادثه‌‌‌نین قوربانی اولا بیلر. بو اینسانلارین اکثريتی سیاسی شخص ديیللر و بونونلا نئجه داوراناجاغینی بیلمه‌دیکلری اوچون آسانلیقلا جدی شکیلده ضرر گؤره بیلرلر. جناب زکا ایل‌یاریم تجریدده قالمیش و ایشینین اونو اورا آپارماسی آغلینا بئله گلمیر. نه بیر موباریزدی، نه ده بو باره‌ده بیر فیکره صاحبدی.
نییه بوتون بو اینسانلارین حقیقتاً جاسوس اولمادیغینی بیله-بیله ایشگنجه و تضییق ائدیرلر؟
یئری گلمیشکن، جناب بهاری‌نین فیلمی بو مقامی ایضاح ائدیر. حاکم طرفین طلبلرینی یئرینه یئتیرمک اوچون تضییق آلتیندادیرلار. آدام اؤنجه بوتون اتهاملاری قبول ائدیب کامئرا قارشیسینا کئچیب اعتراف ائتسه، بلکه ده اونا یاخشی ایمکانلار یاراداجاقلار. آنجاق بو تضییقلر، شخصین توتولماسی ایله تعیین اولونان هدفه مقاومت گؤستردیکده باشلاییر. عادی معنادا اخلاقا اینانمایان بیر سیرا طرفلرله قارشیلاشیریق. قوروجو روح‌الله خمینی نیظامی قوروماغین ان واجیب ایش اولدوغونو دئمیشدی و اونلار بو سیستمین ایجراجیلاری اولدوقلاری اوچون آسانلیقلا اخلاقی آیاق آلتینا آلیرلار. یعنی سیستمین سیاسی ماراقلاری هر شئیدن اوستوندور. دفعه‌‌لرله ایسلامین اساس قایدالاری‌نین اؤلکه‌نین سیاسی ریفاهی اوچون لغو ائدیله بیله‌جه‌یینی سؤیله‌میشدی. عینی متد اینقیلابین اولیندن ائله بیر شکیلده ترجومه و ایضاح ائدیلدی کی موتهیمله هر شئی ائتمک اولار؛ تعزیز کیمی دینه آرخالاناراق هر هانسی بیر واسطه‌‌‌نین ایستیفاده‌سینی اساسلاندیران موقدس بیر مقصدی قوروماق اوچون آلداتمایا قدر.
بو جور متدلارلا اؤزونوز قارشیلاشمیسینیز؟
بلی. حتی یئرلی فعاللارا قارشی رفتارین خاریجی محبوسلارا نیسبتاً داها آغیر اولدوغونو دوشونورم. شخصی تجروبمدن شاهیدلیک ائده بیله‌رم کی، منی سورغولایان دسته‌نین ذره قدر ده دینی اینانجی یوخدو، قلبلرینده ذره قدر دینی شریعت کئچمیردی، اوتانچ و حیا آدیندا بیر شئیلری یوخدو.
تامس هابزا گؤره، اونلارین اساس طبیعتی اینسان قیلیغینداکی قورددور. آیت الله خمینی مهدی بازرگانین باش ناظر فرمانینی وئردیگی گون ایران خالقی‌نین آنلامادیغی بیر شئی سؤیله‌دی. دئدی کی، بوندان سونرا دینی بیر حؤکومته قارشی چیخماغین دیگر حؤکومتلره قارشی چیخماقدان فرقلی اولدوغونو و جدی خرجلری و نتیجه‌لری اولدوغونو اونوتمایین. ایندیکی واختدا دا، مؤوجود رهبره گؤره، سیستمین قورونماسی برجام آنلاشماسینین ایلکین سويه‌‌ده دایاندیریلماسی اولموشدور؛ نزار زکا کیمی یوزلرله قوناغی توتوب و تجرید‌خانایا آتماق و حتی اؤلدورمک اونلار اوچون پیس بیر شئی ساییلمیر، چونکو داها بؤیوک بیر ماراق اورتادادیر!
جناب زکانین چکدیگی عذابلارا گؤره نئجه بیر حیسینیز وار؟
اونا حئیران اولدوم، چونکی غضبینی و کدرینی یالنیز گوناهکارلارا یؤنلده بیلدی و غضبینی ایران خالقینا عومومی‌لشدیرمه‌دی و هله ده ایران کولتورو و خالقی ایله ماراقلانیر. بو تجروبه خالقین اکثريتی ایله حؤکومتین آزلیغی آراسینداکی بوشلوغو یاخشی آنلادیغینی و خالقین یانیندا اولدوغونو تامین ائتدی. حبس اولونمازدان اؤنجه، نزار زکا، دعوتنامه‌لرین و سمینارلارین ضروریلیگی سببیندن دؤولت مقاملاری و مامورلاری ایله داها چوخ علاقه قورموش اولا بیلردی، آما بو آجی تجروبه‌ده ایران خالقینا یاخینلاشدی. البتده کی، قورورلا چیخدی و اینقیلاب کئشیکچیلری اطلاعاتی‌نین و بِیت رهبری‌نین اونون اوچون حاضرلانمیش سناریولاری اؤنجه‌دن اوغورسوز و مغلوب اولموشدو.
