شیرازا شاهچراق حرمینه ائدیلن سالدیری دا آزی ۱۵ نفر حیاتینی ایتیریب

وئریلن بیلگیلره گؤره، بو سالدیری‌دا یارالانانلارین سایی ۴۰ نفره چاتیب.

عدليه‌‌یه باغلی میزان مئدیا خبر آژانسی بو حادثه‌‌‌نی ترور کیمی قیمتلندیره‌رک شیراز شهرینده بو شیعه‌‌‌ حرمی‌نین حیطینه اوچ نفرین سالدیردیغینی یازیب.

بو خبرده بو سالدیرقانلاردان ایکیسی‌نین حبس اولوندوغو دا آچیقلانیب و “گوونلیک گوجلری‌نین اوچونجو شخصی حبس ائتمک اوچون چابلاری‌نین داوام ائتدیگی” یازیلیب.

شاهچراغ حرمینه سالدیری ارشاد دئوریه‌سی (اخلاق پولیسی) نظارتینده اولان مهسا (ژینا) امینی‌نین اؤلدورولمه‌سی‌نین ۴۰-جی گونو ایله عینی واختدا باش وئریب.

بو گون بیر نئچه اعتراض چاغیریشی درج ائدیلیب و مینلرله اینسان سقز شهرینده مهسا امینی‌نین دفن اولوندوغو مزارلیغا دوغرو یوروش ائدیب.
#عومومی_اعتراضلار #شاهچراغ