شهر شوراسی عضوو: روشوت باخیمیندان تهران بلدیه‌سی بیرینجی سیرادا
تهران شهر شوراسی‌نین عضوو مجید فراهانی، شورا مجلیسی‌نین آچیق اوتورموندا تهران بلدیه‌سینده‌کی روشوت باره‌ده خبردارلیق ائده‌رک، اونو “فاسد” آدلاندیردی.
مجید فراهانی، ۱۸ آذر چارشنبه آخشامی شهر مجلیسی‌نین آچیق ایجلاسیندا دئدی: بلدیه‌دکی یئددی باشلی فساد دئوی بو گئنیش تشکیلاتا او قدر نوفوذ ائتمیشدیر کی، تأسف کی، بوتون قوروملار آراسیندا بلدیه روشوت و نئپوتیزم میقداری باخیمیندان هله ده بیرینجی یئرده‌دیر.
فراهانی علاوه ائتدی: “بعضی چالیشانلار اؤز پایلارینی اینسانلاردان روشوت آلماقلا آلیرلار و یا نئپوتیزمه باش وورورلار.”
بلدیه مجلیسی عضوو داها سونرا “شفافلیق”، “یولسوزلوغا قاریشانلاری بللی ائتمک” و “قانون پوزونتولاری باره‌ده بیلگی وئرن اینسانلاری تشویق ائتمک” یولسوزلوغا قارشی موباریزه اوچون بیر واسطه اولدوغونو سؤیله‌دی.
ایسلام جمهوریییتینده، اوزللیکله ده ایرانداکی بلدیه‌لرده و شهر مجلیسلرینده یولسوزلوغون یاییلماسی اؤنجه‌لرده ده دفعه‌‌لرله مانشئته چئوریلمیشدی.
تهران شهر آراشدیرمالار و پلانلاشدیرما مرکزی ۱۹۹۶-جی ایلین نویابر آییندا “تهران ساکینلری آراسیندا روشوت و بونونلا علاقه‌‌‌لی عامللرین سوسیال ساپماسی” آدلی بیر آراشدیرمادا، تهران ساکینلری‌نین ۶۵ فایزی‌نین شهرده‌کی ۲۱ رسمی و رسمی اولمایان تشکیلات و قوروما ان آزی بیر دفعه روشوت وئریبلر.
