شرعی ذبحه نظارت ائدن دین خادیملری اوچون گونده‌لیک ۲۲۰ یورو معاشین وئریلمه‌سی تصدیقلندی
دنیا حلال مرکزی‌نین مودورو، ایران خاریجینده شرعی ذبح‌لره نظارت ائدن دین خادیملری‌نین گونده‌لیک ۲۲۰ یورو معاش آلدیغینی اونایلادی.
پیمان فلسفی ۲۵ فروردین چارشنبه گونو گؤندریلن بیر مکتوبدا خاریجده‌کی قصاب‌خانالاردا دین خادیملرینه وئریلن معاشلارین قانونی و دؤولت ایشچیلری‌نین اساسنامه‌لرینه اویغون اولدوغونو بیلدیردی.
مکتوبدا بیلدیریلیر کی، فلسفی تورکیه‌دن تویوق ایدخال ائدن شرکتلرین مودورلرینه دینی ناظرلرین معاشلاری‌نین آیلیق ۲۵۰۰ یورو اولدوغونو و بو مبلغه علاوه اولاراق اونلارین یئرلشمه‌لری و یئمکلری‌نین ده بو شرکتلر طرفیندن تعمین ائدیلمه‌لی اولدوغونو سؤیله‌میشدیر.
فلسفی بیر سیرا دینی ناظرلرین تورکیه و برزیل‌ده یئرلشدیگینی بیلدیریب و دئدی: روحانیلر قصاب‌خانالارین دؤزولمز شرایطینده ایشله‌ییر و اونلارین زحمتلری قارشیلانمالیدیر.
دنیا حلال مرکزی‌نین مودورو دینی ذبحه نظارت ائدن دین خادیملری‌نین حوقوقلارینا ایلیشگین “خاریجی مئدیانین سوایستیفاده‌سی” ایله باغلی قایغیلاری دیله گتیره‌رک دئدی: بو نظارتچیلر قصاب‌خانادا اولماسا، بیر کیلو حلال ات و تویوق دا اینسانلارین سوفره‌سینه گیرمز.
iranwire
