شاهین برزگر تبریز اطلاعات ایداره‌سینه چاغیریلیب
تورک مدنی فعال شاهین برزگر ۲۱ آبان ۱۴۰۲-ده تلفن ایله آراناراق تبریز اطلاعات ایداره‌سینه چاغیریلیب.
شاهین برزگر تبریز شهری اطلاعات مامورلاری‌نین تلفونلا چاغیریشینی قانونسوز حساب ائدیب و محکمه قراری اولمادان هئچ یئره گئتمه‌یه‌جه‌یینی آچیقلاییب.
شاهین برزگر حوقوق فاکولته‌سی‌نین اؤیرنجیسی و آذربایجانین آییل رقص قروپونون باشچیسیدیر و او، دفعه‌‌لرله گوونلیگ اورقانلاری طرفیندن هده‌له‌نیب، چاغیریلیب، توتولوب و حبس ائدیلیب.
قئید ائدک کی، ایران ایسلام جمهورییتی‌نین اطلاعات ایداره‌سی آذربایجانین چئشیدلی شهرلرینده تورک مدنی فعاللارین فعالیتی‌نین قارشیسی‌نین آلینماسی مقصدیله قئیری-قانونی تدبیر چرچیوه‌سینده فعاللاری و اونلارین یاخینلارینی تلفون زنگلری ایله چاغیریر، حبس ائتمکله هده‌له‌ییر و ایشگنجه وئریر.
آذربایجانلی فعاللارین چوخو بو حرکتی قانونسوز حساب ائدیر و محکمه‌‌‌نین بیلدیریش گؤندریلمه‌سینی طلب ائدیرلر.
