سیاسی محبوس علی رضایی هاواستان مرخصی‌یه گؤندریلیب
وین حبس‌خاناسیندا حبسده اولان تورک مدنی فعال علی رضایی هاواستان آتاسی‌نین اؤلوموندن سونرا مرخصی‌یه گؤندریلیب.
جناب رضایی ۱۴ شهریور ۱۴۰۲-جی ایل، چارشنبه آخشامی گونو بئش گونلوک مرخصی‌یه گؤندریلدی.
بو مدنی فعالین آتاسی‌نین بو ایل ۱۳ شهریور بازار ائرته‌سی هاواستان کندینده کئچیریلن دفن مراسیمینده ایشتیراکینا حاکیميت اورقانلاری‌نین انگل تؤره‌دیب.
حاضردا اوین زیندانیندا ۶ ایللیک حبس جزاسینی چکن جناب رضایی ۲۰ آذر ۱۴۰۱-ده تهرانداکی شخصی ائوینده گوونلیک گوجلری طرفیندن حبس اولوندو. اونون شخصی اشیالاریندان بعضیلری، او جومله‌‌‌دن اوچ نووتبوک، موبیل تلفون و اونا اؤزل دیسک گوونلیک گوجلری طرفیندن موصادیره ائدیلیب.
یاخینلاری‌نین و عائله‌‌‌سی‌نین وئردیگی بیلگیلره گؤره، جناب رضایی حبسی زامانی و محکمه‌‌ده وکیلله گؤروشونه ایجازه وئریلمه‌ییب و حاکم صلواتی دفعه‌‌لرله عائله‌‌‌سی‌نین اوفیسینده اولماسینی رد ائدیب و اونلاری حبس ائتمکله هده‌له‌ییب.
۱۳۶۲-جی ایل دوغوملو اولان علی رضایی آی‌تی موهندیسی، تورک دیلی و یوگا اؤیرتمنیدیر.
