سویوق بولاقدا اینقیلاب کئشیکچیلری عضوو اینتیهار ائدیب
سویوق‌بولاق، ساوجبلاغ یا مهاباد _ باتی آذربایجان اوستانی’نین شهرلریندن بیری‌دیر. سویوق‌بولاق شهری، مهاباد بؤلگه‌سی‌نین مرکزی‌دیر. بۇ شهر اوستانین مرکزی اوْلان اورمیه شهری‌ایله ۱۲۲ کیلومتر فاصیله‌سی وار؛ و ۱۳۹۰-نجی نۆفوس ساییسی اساسیندا ۱۴۸٫۲۳۱ نفر اهالیسی واریمیش.
سویوق بولاقدا خالق اعتراضلاری‌نین یاتیریلماسیندا رول اوینایانلاردان بیری اولان محمد علیزاده قارنیندان ۳ بیچاق ضربه‌‌‌سی ووروب و سوندا تشکیلاتی سلاحی ایله بوینوندان گولـله ووراراق حیاتینا سون قویوب.
محمد علیزاده‌نین قادین، حیات، آزادلیق اعتراضلاری زامانی گنجلرین و اعتراضچیلارین بللی ائدیلیب و حبس ائدیلمه‌سینده رولو وار ایدی و سویوق بولاقدا تجارت بانکین چالیشانی ایدی.
بو باره‌ده بیلگیلی قایناق ایران‌وایره بیلدیریب کی، محمد علیزاده ۲۵ اردیبهشت سحر ساعتلاریندا ایشله‌دیگی تجارت بانک‌دا بیر نفر ایله البه‌یاخا داوا ائدیب و همین گون روحی پروبلئملره گؤره قوهوملاری ایله ده داوا ائدیب.
او، ۲۵ اردیبهشت ۱۴۰۳-جو ایل چارشنبه آخشامی آخشام ساعتلاریندا سویوق بولاقدا فرهنگیان شهرکی یاخینلیغیندا تشکیلاتی سلاح ایله اینتیهار ائدیب.
