سویوق‌بولاق-قوشاچای یولوندا اؤلومله سونوجلانان قضادا ۳ نفر اؤلوب و ۹ نفر یارالانیب
باتی آذربایجان ایالتی‌نین سویوق‌بولاق-قوشاچای یولونون ترشکان اوچ یولوندا باش وئرن قضادا ۳ نفر اؤلوب و ۹ نفر یارالانیب.
سویوق‌بپلاغین یانغین‌سؤندورمه ایداره‌سی‌نین رئیسی سردار فداکار یئرلی مئدیادان بیرینه دئییب: “۲ خرداد ۱۴۰۳-جو ایل چارشنبه گونو سحر ساعتلاریندا سویوق بولاغین “ترشکان اوچ یولوندا”اتوبوس و مینیک اتومبیلین توققوشماسی سونوجوندا اؤلومله سونوجلانا قضا باش وئردی و ۱۲ وطنداش اؤلدو ویا یارالاندی.”
یانغین‌سؤندورمه ایداره‌سی‌نین بو یئتکیلیسی یارالیلاردان بعضیلری‌نین فیزیکی دورومون “آغیر” اولدوغونو قیمتلندیریب.
ایران‌وایره وئریلن بیلگیلره گؤره، سون اوچ ایل ایچینده سویوق بولاق یول ایداره‌سی بو یولون گئنیشلندیریلمه‌سی و استاندارتلاشدیریلماسی اوچون دفعه‌‌لرله بؤیوک بودجه‌لر تصدیقله‌ییب، لاکین ۱۷ کیلومتره یاخین اولان بو پروژه هله ده تاماملانماییب و وطنداشلار بو یولدا هر گون یول قضالاری یاشانیر.
Iranwire
