سون بیر ایلده اردبیلده ۴۳۰ مین پوزونتو پرونده‌سی آچیلیب
اردبیل ایالتی عدلیه‌سی‌نین رئیسی سون بیر ایل ایچینده اردبیلده ۴۳۰ مین پوزونتو پرونده‌سی‌نین آچیلدیغینی و بونلاردان ۲۸ مین حادثه‌‌‌نین باریشیق ایله باشا چاتدیغینی بیلدیردی.
حسین کثیرلو بازار ائرته‌سی گونورتادان سونرا ژورنالیستلره دئدی: سون بیر ایلده ایالتین محکمه اورقانلاریندا تقریباً ۴۳۰ مین پوزونتو پرونده‌سی آچیلدی و بونلاردان ۱۰۰ مینی موباحیثه حلی شورالاری ایله علاقه‌‌‌لی ایدی کی اونلاردان ۲۸ مینی باریشدیریلدی.
او آرتیردی: موباحیثه حلی شوراسیندا ۱۷ قصاص پرونده‌سی اوچون ده راضیلیق آلیندی.
حسین کثیرلو گوونلیگی محکمه حاکیميتی‌نین قیرمیزی جیزیغی اولدوغونو ادعا ائتدی و سؤیله‌دی: بو سببدن، موختلیف اقتصادی، سوسیال و مدنی ساحه‌‌‌لرده اینسانلارین گوونلیگینه قارشی حرکت ائدنلره کسکین شکیلده قارشیلیق وئریله‌جک.
خاطیرلاتمالییق کی سون بیر ایلده اردبیل ایالتینده‌کی محکمه اورقانلاری بیر چوخ آذربایجانلی مدنی فعالا قارشی حؤکم چیخاریب.
iranwire
