سمانه بابازاده تبریز مرکزی حبس خاناسیندان سربست بوراخیلدی
آذربایجانلی صنعتچی و اویونچو سمانه بابازاده محکمه‌‌یه قدر گیروو قارشیلیغیندا تبریز مرکزی حبس‌خاناسیندان سربست بوراخیلدی.
بو آنا قدر بو آذربایجانلی صنعتچی و اویونچویا قارشی ایره‌لی سورولن اتهام ایله باغلی آیرینتیلی بیلگی یوخدور.
خانیم بابازاده بازار گونو، ۲۲ آباندا تبریز ساوجیلیغینا چاغیریلدیقدان سونرا حبس ائدیلیب.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
حبس اولونان اعتراضچیلارین دورومو و آدلاری حاقیندا دقیق بیلگی یوخدور و اونلارین ساغلاملیق دورومو توپلومدا ناراحاتلیق یارادیب.
سون اعتراضلاردا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
#عومومی_اعتراضلار #تبریز
