سعید احمدی‌نسب تبریز مرکزی حبس‌خاناسیندا بلیرسیز دورومدا ساخلانیلیر
سعید احمدی‌نسب حبس اولوندوغو گوندن هله ده تبریزین مرکزی حبس‌خاناسیندا حبسده‌دیر و عدليه اورقانلاری اونا قارشی قرار چیخارماقدان و اونون مووقتی سربست بوراخیلماسیندان ایمتینا ائدیرلر.
احمدی‌نسب عائله‌‌‌سی‌نین تبریز شهری‌نین عومومی و اینقیلاب ساوجیلیغیندا ایزله‌مه‌سینه باخمایاراق، اونلارا محکمه و گوونلیک اورقانلاری طرفیندن دقیق بیر جاواب وئریلمه‌ییب و اونون ایشگنجه‌لره معروض قالماسی باره‌ده اینسان حاقلاری مئدیاسی بیلگی یاییب.
سعید احمدی‌نسب ۱۴۰۱-جی ایل ۱۲ مهرده سحر ساعت ۳-ده تبریزین فردوس کوچه‌سینده گوونلیک گوجلری طرفیندن حبس اولوندو.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
حبس اولونان اعتراضچیلارین دورومو و آدلاری حاقیندا دقیق بیلگی یوخدور و اونلارین ساغلاملیق دورومو توپلومدا ناراحاتلیق یارادیب.
#عومومی_اعتراضلار
