سردار ذوالقدر: آمریکالیلار شیعه ژنینی عسکرلرینه وورماق ایسته‌ییرلر
اینقیلاب کئشیکچیلری‌نین تهرانداکی سید الشهدا کوماندانی، سردار احمد ذوالقدر بیلدیریب کی، آمریکالیلار اؤز عسکرلرینه شیعه ژنلرینی وورماغا چالیشیرلار. او، آمریکانین عسکرلرینه شیعه ژنلری‌نین وورولماسی جهدلرینی، اونلاری “جسور” ائتمک اوچون اولدوغونو دئییب.
ذوالقدر جوما آخشامی وارامینده کئچیریلن مراسیمده دئییب: آمریکالیلار دئییرلر کی، شیعه‌‌‌لرده بیر ژن وار کی، بیز انو جسور ائتمک اوچون عسکرلریمیزه وورمالییق، ایسلامی ایران خالقی‌نین ایمام حسین، حضرت ابولفضل و حضرت زینب کبری‌نین ژنلرینه صاحب اولدوغونو و بو مدنيتین اونلاری هر هانسی بیر دوشمندن قورخماماسینی ساغلاماسینی اونوتمامالییق.
اینقیلاب کئشیکچیلری کوماندیری بو بیلدیغی آلدیغی قایناق باره‌ده آیرینتیلی بیلگی وئرمه‌ییب.
انتخاب سایتی‌نین وئردیگی بیلگیلره گؤره، سرتیپ والقدر ایران ایسلام اینقیلابی‌نین قلبه‌سینی شیعه ایماملاری‌نین مغلوبیتی ایله موقایسه ائدیب و دئییب: آیت الله خمینی‌نین قلبه‌سی اومتین ایماملا اولماسی‌نین سونوجودور. علی و باشقا ایماملارین یئنیلمه‌سی خالقین دستیی‌نین اولماماسی‌نین سونوجو ایدی.
ذوالقدر ادعا ائتدی: ایسلام اینقیلابی‌نین قلبه‌سیندن سونرا ایسلام تاریخی بویو اومته قارشی بوتون دوشمنچیلیکلر ایسلامی ایرانا قارشی اولوب.
او دئدی: نه قدر کی، اومت ایمامامین یانیندادیر، دوشمن اوغورسوزلوغا محکومدور.
